மெர்சிடிஸ் பென்ஸ் சிஎல்ஏ 45 ஏஎம்ஜி... என்ன விலை அழகே?!

எஞ்சின்

இந்த காம்பெக்ட் காரில் அதிக சக்திவாய்ந்த 4 சிலிண்டர் 2.0 லிட்டர் டர்போ எஞ்சின்கள் பொருத்தப்பட்டு வருகிறது. இது உலகின் அதிசக்திவாய்ந்த 4 சிலிண்டர் எஞ்சின் என்பது குறிப்பிடத்தக்கது. இந்த எஞ்சின் 360 பிஎச்பி பவரையும், 450 என்எம் டார்க்கையும் அளிக்கும். 7 ஸ்பீடு டூயல் கிளட்ச் டிரான்ஸ்மிஷனுடன் வருகிறது.

ஆல் வீல் டிரைவ்

இந்த காரில் ஏஎம்ஜியின் பெர்ஃபார்மென்ஸ் தொழில்நுட்பத்திலான 4 மேட்டிக் ஆல் வீல் டிரைவ் ஆப்ஷனை கொண்டிருக்கும். இது மிகச்சிறந்த பெர்ஃபார்மென்ஸ் மாடலாக இந்திய வாடிக்கையாளர்களுக்கு வழங்க இருக்கிறோம் என பென்ஸ் பெருமிதம் தெரிவித்துள்ளது.

பெர்ஃபார்மென்ஸ்

இந்த கார் 0- 100 கிமீ வேகத்தை 4.6 வினாடிகளில் எட்டிவிடும். உச்சபட்சமாக மணிக்கு 250 கிமீ வேகத்தில் செல்லும்.

முன்பதிவு

வரும் ஏப்ரலில் இந்த புதிய காருக்கு முன்பதிவு துவங்க மெர்சிடிஸ் பென்ஸ் திட்டமிட்டுள்ளது.

விலை

ஒரு கோடி ரூபாய் விலையில் இந்த புதிய கார் விற்பனைக்கு வரும் என்று எதிர்பார்க்கப்படுகிறது.