இந்தியாவில் புதிய பென்ஸ் எஸ் கிளாஸ் காரின் உற்பத்தி துவங்கியது: விலை குறைகிறது

இந்தியாவில் புதிய மெர்சிடிஸ் பென்ஸ் எஸ்500 சொகுசு காரின் உற்பத்தி துவங்கப்பட்டுள்ளது. இதன்காரணமாக இந்த காரின் விலை ரூ.21 லட்சம் வரை குறைகிறது.

தற்போது இறக்குமதி செய்து விற்பனை செய்யப்பட்டு வரும் இந்த காருக்கு 3 மாதங்கள் வரை வெயிட்டிங் பீரியட் இருந்து வருகிறது.

இந்த நிலையில், உள்நாட்டிலேயே இந்த கார் இனி அசெம்பிள் செய்து விற்பனை செய்யப்பட உள்ளது. இதனால், விலையுடன் சேர்த்து, காத்திருப்பு காலமும் வெகுவாக குறையும்.

தற்போது இறக்குமதி மாடல் எஸ்500 கார் ரூ.1.57 கோடி விலையில் விற்பனை செய்யப்படுகிறது. இந்தியாவில் அசெம்பிள் செய்து விற்பனை செய்யப்பட இருக்கும் மாடல் இனி ரூ.1.36 கோடியில் விற்பனைக்கு கிடைக்கும்.