பஞ்சருக்கு குட்பை... மிச்செலின் 'ஏர்லெஸ்' டயர் அறிமுகம்!

சிறப்பம்சங்கள்

சிறப்பம்சங்களை அடுத்தடுத்த ஸ்லைடுகளில் காணலாம்.

ஏர்லெஸ் டயர்

இதில், ட்யூப் பொருத்துவதற்கு பதிலாக வளைந்து கொடுக்கும் தன்மை கொண்ட ஸ்போக்ஸ் பயன்படுத்தப்பட்டுள்ளது. இவை பாலியூரித்தேனால் ஆன ஸ்போக்ஸ் பொருத்தப்பட்டிருக்கிறது. அதிர்வுகள் மற்றும் பாரத்தை தாங்குவது போன்ற காற்றடைத்த ட்யூப் செய்யும் பணிகளை இந்த பாலியூரித்தேன் ஸ்போக்ஸ் செய்யும்.

பராமரிப்பு குறைவு

இந்த புதிய ட்வீல் டயருக்கு அதிக பராமரிப்பு தேவையில்லை. வாரந்தோறும் காற்றுப் பரிசோதனை அவசியமில்லை என்பதுடன், பஞ்சர் பிரச்னைக்கும் முற்றுப்புள்ளி வைத்துள்ளது.

சோதனை

பலகட்ட சோதனைகளில் இந்த டயர்கள் தீவிர சோதனைக்கு உட்படுத்தப்பட்டிருப்பதாக மிச்செலின் தெரிவித்துள்ளது. இவை நீடித்த உழைப்பை வழங்குவதோடு, பராமரிப்பு தொல்லையிலிருந்து விடுபட முடியும் என்றும் தெரிவிக்கப்பட்டுள்ளது.

வணிக பயன்பாடு

இந்த புதிய மிச்செலின் ட்வீல் டயர் வணிக ரீதியில் விற்பனைக்கு வருவது குறிப்பிடத்தக்கது. இதற்காக, வட அமெரிக்காவில் உள்ள தனது ஆலையை ட்வீல் டயர் தயாரிப்புக்காக அர்ப்பணிக்க உள்ளது மிச்செலின் நிறுவனம்.

ஜான் - டியர் நிறுவனத்துக்கு சப்ளை

முதலாவதாக ஜான் டியர் நிறுவனத்தின் புல் அறுக்கும் இயந்திரத்தில் பொருத்தப்பட்ட உள்ளது. இதைத்தொடர்ந்து, கார்களிலும் இந்த வகை டயர்கள் எதிர்காலத்தில் அறிமுகம் செய்யப்பட உள்ளதாக தெரிவிக்கப்படுகிறது.