புதிய டாடா கார்களின் வடிவமைப்பின் பின்னணியில் நரேன் கார்த்திகேயன்!

நெடிய பந்தம்

கடந்த 4 ஆண்டுகளாக புதிய டாடா கார்களின் வடிவமைப்புக்காக டாடா மோட்டார்ஸ் நிறுவனத்தின் ஆராய்ச்சி மற்றும் மேம்பாட்டு மையத்திற்கு நரேன் கார்த்திகேயன் பல முக்கிய ஆலோசனைகளை வழங்கி வருகிறார்.

முக்கிய பங்கு

மேலும், டாடாவின் ஆராய்ச்சி மற்றும் மேம்பாட்டு மையத்தின் தலைவர் டாக்டரர் டிம் லிவர்டனிடம் தன்னுடைய ஆலோசனைகள் மற்றும் கருத்துக்களை நேரடியாக வழங்கி வருகிறாராம்.

முழு அளவில் ஆலோசனை

கார்களின் நிலைத்தன்மை, பிரேக் செயல்திறன், எரிபொருள் சிக்கனம், இருக்கை அமைப்பு, கார்களின் செயல்திறனை மேம்படுத்துதல் உள்ளிட்டவை தொடர்பாக பல முக்கிய கருத்துகளையும், ஆலோசனைகளையும் நரேன் கார்த்திகேயன் கொடுத்து வருகிறார்.

டாடாவின் பெர்ஃபார்மென்ஸ் கார்கள்

இதுதவிர, அதிக செயல்திறன் மிக்க கார்களை உருவாக்கும் பணியிலும் டாடா மோட்டார்ஸ் ஈடுபட்டுள்ளது. இந்த திட்டத்திலும் நரேன் கார்த்திகேயன் தனது பங்களிப்பை அளித்து வருகிறார்.

எகிறும் எதிர்பார்ப்பு

சூப்பர் கார் மற்றும் சொகுசு கார் தயாரிப்பு நிறுவனங்களுடன் கார் பந்தய வீரர்கள் இணைந்து பணியாற்றுவது வாடிக்கைதான். ஆனால், சாதாரண பயணிகள் கார் தயாரிப்புக்கு பந்தய வீரர் நரேன் கார்த்திகேயன் ஆலோசனைகளை டாடா மோட்டார்ஸ் ஏற்றுக் கொண்டு, மிக தீவிரமாக பணியாற்றி வருகிறது. இதன்மூலம், டாடா மோட்டார்ஸ் நிறுவனத்திடம் இருந்து மிகச்சிறந்த கார் மாடல்களை எதிர்பார்க்கலாம் என்பது ஆட்டோமொபைல் துறை மற்றும் வாடிக்கையாளர்களின் எதிர்பார்ப்பாக உள்ளது.