இன்னும் ஒரு சில போர்ஷே 918 ஸ்பைடர் கார்கள் மட்டுமே விற்பனைக்கு உள்ளன!

ஹைபிரிட் மாடல்

இதுவும் ஒரு ஹைபிரிட் மாடல்தான். இந்த காரில் 4.6 லிட்டர் வி8 எஞ்சின் மற்றும் இரண்டு எலக்ட்ரிக் மோட்டார்கள் பொருத்தப்பட்டிருக்கிறது. அதிகபட்சமாக ஹைபிரிட் மோடில் 887 எச்பி பவரை அளிக்கும்.

பெர்ஃபார்மென்ஸ்

நர்பர்க்ரிங் டிராக்கில் இந்த கார் 6:57 நிமிடங்களில் ஒரு லேப் சுற்றை நிறைவு செய்து சாதனை படைத்திருக்கிறது. மேலும், 0- 100 கிமீ வேகத்தை வெறும் 2.7 வினாடிகளில் தொட்டும் விடும் ஆற்றல் கொண்டது. மணிக்கு 340 கிமீ வேகத்தில் செல்லும் வல்லமை கொண்டது.

உற்பத்தி துவக்கம்

கடந்த ஆண்டு செப்டம்பர் 18ந் தேதி இந்த காரின் உற்பத்தி துவங்கப்பட்டது. இந்த ஆண்டில் சில கார்கள் மட்டுமே டெலிவிரி கொடுக்கப்பட்டிருக்கிறது.

முன்பதிவு

அமெரிக்காவிலிருந்து அதிக முன்பதிவு கிடைத்துள்ளது. ரூ.1.22 கோடி முன்பணம் செலுத்தி இந்த காருக்கு முன்பதிவு செய்தால் மட்டுமே, கார் உற்பத்தி செய்து தரப்படும்.

விலை

காரின் விலை மற்றும் டெலிவிரி சார்ஜ் உள்பட ஒரு காரின் அடக்க விலை இந்திய மதிப்பில் ரூ.5.18 கோடியாக தெரிவிக்கப்பட்டுள்ளது.