புதிய புகாட்டி வேரோன் ஸ்பெஷல் எடிசன் காரின் ஆல்பம்!!

சிற்ப கலை நிபுணர்

புகாட்டியின் நிறுவனர் எட்டோர் புகாட்டியின் சகோதரர் ரெம்பிராண்ட் சிறந்த சிற்ப கலை வல்லுனர். வனவிலங்கு சிற்பங்களை உருவாக்கி புகழ்பெற்றவர். அவர் உருவாக்கிய நடன யானை சிற்பம்தான் புகாட்டி கார் நிறுவனத்தின் சின்னமாக பின்னாளில் பயன்படுத்தப்பட்டது. அவரை கவுரவிக்கும் விதத்தில் இந்த ஸ்பெஷல் எடிசன் வெளியிடப்பட்டுள்ளது.

அலங்கரித்த சின்னம்

1927ம் ஆண்டு முதல் 1933 வரை தயாரிக்கப்பட்ட புகாட்டி ராயல் டைப் 41 காரின் ரேடியேட்டர் மூடியின்மீது இந்த நடன யானை சிற்பம் கொடுக்கப்பட்டிருந்தது. அதே நடன யானை உருவம் தற்போது அறிமுகம் செய்யப்பட்டிருக்கும் ஸ்பெஷல் எடிசன் வேரோன் காரிலும் பொறிக்கப்பட்டிருக்கிறது. ரெம்பிராண்ட்டின் கலை நுணுக்கத்தை போற்றும் வகையில் இந்த உருவம் பொறிக்கப்பட்டிருப்பதாக தெரிவிக்கப்பட்டுள்ளது.

இரட்டை வண்ணம்

இந்த ஸ்பெஷல் எடிசன் கார் இரட்டை வண்ணக் கலவையில் அசத்துகிறது. உட்புறத்திலும் அதே வண்ணக் கலை பயன்படுத்தப்பட்டுள்ளது.

டோர் சில் கார்டு

டோர் சில் கார்டில் ரெம்பிராண்ட் உருவம் மற்றும் அவரது கையெழுத்து பொறிக்கப்பட்டிருக்கிறது.

நடன யானை

கதவிலும் நடன யானை சின்னம் கொடுக்கப்பட்டிருக்கிறது. உயர்ரக லெதர் இருக்கைகள், வசதிகள் கொண்ட பெர்ஃபார்மென்ஸ் கார் வாடிக்கையாளர்களையும் இந்த ஜெனீவா மோட்டார் ஷோ மூலம் பெறும் என்று நம்பப்படுகிறது.

லிமிடேட் எடிசன்

ரெம்பிராண்ட் புகாட்டி ஸ்பெஷல் எடிசன் மாடல் 2.18 மில்லியன் யூரோ விலையில் விற்பனைக்கு கிடைக்கும். மொத்தம் 3 கார்கள் மட்டுமே ரெம்பிராண்ட் புகாட்டி பெயரில் விற்பனை செய்யப்பட உள்ளன.

கார் ஆல்பம்

இந்த ஸ்பெஷல் எடிசன் காரின் புகைப்பட ஆல்பத்தை எங்களது ஃபேஸ்புக் பக்கத்தில் கண்டு ரசிக்கலாம்.