விற்பனை மந்தம்... 4 வீல் டிரைவ் டஸ்ட்டரை களமிறக்கும் ரெனோ!

டீசலில் மட்டும்

இங்கிலாந்து உள்ளிட்ட நாடுகளில் ஏற்கனவே பெட்ரோல் மற்றும் டீசல் ஆகிய இரு மாடல்களிலும் 4 வீல் டிரைவ் கொண்ட டஸ்ட்டர் மாடல் விற்பனையில் இருக்கிறது. ஆனால், இந்தியாவில் 1.5 லிட்டர் எஞ்சின் கொண்ட டீசல் மாடலில் மட்டுமே டஸ்ட்டரின் 4 வீல் டிரைவ் மாடல் விற்பனைக்கு வரும் என்று எதிர்பார்க்கப்படுகிறது. இந்த மாடல் 107 எச்பி பவரையும், 240 என்எம் டார்க்கையும் அளிக்கும்.

கிரவுண்ட் கிளியரன்ஸ்

2 வீல் டிரைவ் சிஸ்டம் கொண்ட மாடலைவிட 4 வீல் டிரைவ் மாடல் 5 மிமீ கூடுதல் கிரவுண்ட் கிளியரன்ஸ் கொண்டதாக இருக்கும். அதாவது, 210 மிமீ கிரவுண்ட் கிளிரயன்ஸ் கொண்டதாக வரும்.

பே லோடு

2 வீல் டஸ்ட்டரின் பே லோடு 456 கிலோவாக இருக்கும் நிலையில், 4 வீல் டிரைவ் சிஸ்டம் டஸ்ட்டரின் 458 கிலோவாக இருக்கும்.

இழுவை திறன்

2 வீல் டிரைவ் டஸ்ட்டர் 615 கிலோ எடை இழுவை திறன் கொண்டது. 4 வீல் டிரைவ் டஸ்ட்டர் 660 கிலோ எடை இழுவை திறன் கொண்டது.

விலை

2 வீல் டிரைவ் மாடலின் டாப் வேரியண்ட் ரூ.11.79 லட்சம் டெல்லி எக்ஸ்ஷோரூம் விலையில் விற்கப்படுகிறது. அதேநேரத்தில், 4 வீல் டிரைவ் மாடல் ரூ.1 லட்சம் கூடுதலான விலையில் வரும் என்று தெரிகிறது.