ரெனோ டஸ்ட்டர், நிசான் டெரானோ எஸ்யூவிகளுக்கு அதிரடி சலுகைகள்!

கார் விற்பனையை ஊக்குவிக்கும் விதத்தில் ரெனோ டஸ்ட்டர் மற்றும் நிசான் டெரானோ எஸ்யூவிகளுக்கு சிறப்புச் சலுகைகள் அறிவிக்கப்பட்டுள்ளன.

மாருதி மற்றும் மஹிந்திரா கார்களுக்கு சமீபத்தில் சிறப்பு தள்ளுபடிகள் அறிவிக்கப்பட்டன. இதைத்தொடர்ந்து, தற்போது ரெனோ மற்றும் நிசான் நிறுவனங்களின் மாடல்களுக்கும் சிறப்பு சலுகைகள் அறிவிக்கப்பட்டுள்ளன.

ரெனோ டஸ்ட்டர் மற்றும் அதன் ரீபேட்ஜ் மாடலான நிசான் டெரானோ எஸ்யூவிகளுக்கு இலவச இன்ஸ்யூரன்ஸ் மற்றும் எக்ஸ்சேஞ்ச் போனஸ் சலுகைகளை வாடிக்கையாளர்கள் பெற்றுக் கொள்ளலாம்.

இதுதவிர, நிசான் மைக்ரா, ரெனோ பல்ஸ், ரெனோ ஸ்காலா கார்களுக்கும் இந்த சலுகைகளை பெற்றுக் கொள்ளலாம். இந்த சிறப்புச் சலுகைகள் கார் விற்பனையை ஊக்குவிக்க உதவும் என நிறுவனங்கள் தரப்பில் தெரிவிக்கப்பட்டுள்ளன.