இந்தியாவில் ரோல்ஸ்ராய்ஸ் கோஸ்ட் ஸ்பெஷல் எடிசன் கார் அறிமுகம்!

சிறப்பம்சங்கள்

லிமிடேட் எடிசன் பேட்ஜ், குரோம் பூச்சு பூசப்பட்ட எக்ஸாஸ்ட் குழாய்கள், 21 இஞ்ச் பாலிஷ்டு அலாய் வீல்கள் ஆகியவை இந்த லிமிடேட் எடிசன் கோஸ்ட் காரின் சிறப்பு ஆக்சஸெரீஸ்கள்.

இன்டிரியர்

சில் பிளேட்டுகள், கூடுதலாக ஒரு கடிகாரம், மெட்டல் பிளேட் கவருடன் மல்டிமீடியா பிளேயர் ஆகியவை இன்டிரியரின் சிறப்பம்சங்கள். வி ஸ்பெசிஃபிகேஷன் கொண்ட இருக்கைகள் ஆகியவை இந்த காரின் அந்தஸ்தை மேலும் கூட்டுகிறது.

எஞ்சின்

இந்த காரில் 6.6 லிட்டர் வி12 எஞ்சின் பொருத்தப்பட்டிருக்கிறது. சாதாரண கோஸ்ட் மாடலில் இந்த எஞ்சின் 563 எச்பி பவரையும், 780 என்எம் டார்க்கையும் அளிக்கும். ஆனால், இந்த லிமிடேட் எடிசன் மாடலின் எஞ்சின் 593 எச்பி பவரை அளிக்கும் வகையில் ட்யூன் செய்யப்பட்டுள்ளது.

பெர்ஃபார்மென்ஸ்

2 டன் எடை கொண்ட இந்த கார் 0- 100 கிமீ வேகத்தை வெறும் 4.7 நொடிகளில் கடந்து விடும். இதன் டாப் ஸ்பீடு மணிக்கு 250 கிமீ.

விருப்பம்போல் வசதிகள்

இந்த காரில் வாடிக்கையாளர்கள் விருப்பத்திற்கு இணங்க கூடுதல் வசதிகள் மற்றும் சிறப்பம்சங்களுடன் கஸ்டமைஸ் செய்து கொள்ள முடியும் என்று ரோல்ஸ்ராய்ஸ் தெரிவித்துள்ளது.

லிமிடேட் எடிசன்

வரும் ஜூன் மாதம் வரை லிமிடேட் எடிசன் கோஸ்ட் வி ஸ்பெசிஃபிகேஷன் கார் இந்தியாவில் விற்பனைக்கு கிடைக்கும் என்று தெரிவிக்கப்பட்டுள்ளது. ரூ.5.20 கோடி மும்பை எக்ஸ்ஷோரூம் விலையில் புதிய கோஸ்ட் லிமிடேட் எடிசன் மாடல் கிடைக்கும்.