ஸ்கோடா ரேபிட் காருக்கு அதிரடி கடன் திட்டம் - விபரம்

கடன் திட்டம்

உதாரணமாக ரேபிட் பெட்ரோல் காரின் ஆம்பிஷன் 1.6 எம்பிஐ மேனுவல் டிரான்ஸ்மிஷன் வேரியண்ட்டை வாங்குவோர், முன்பணமாக ரூ.1.55 லட்சம் செலுத்த வேண்டும். அதற்கு கடன் தொகையாக ரூ.6.20 லட்சம் பெற முடியும். 48 மாதத் தவணைகள் கொண்ட இந்த கடன் திட்டத்தில் முதல் 12 மாதங்களுக்கு மாதத் தவணை செலுத்த வேண்டியதில்லை.

மாதத் தவணை திட்டம்

இந்த கடன் திட்டத்தில் 13வது மாதத்திலிருந்து 24வது மாதம் வரையில் ரூ.15,000 மாதத் தவணையாக செலுத்த வேண்டும். 25வது மாதத்திலிருந்து 47வது மாதம் வரை ரூ.22,222 மாதத் தவணையாக செலுத்த வேண்டும். கடைசி 48வது மாதத்தில் ரூ.24,681ஐ மாதத் தவணையாக செலுத்த வேண்டும் என்று தெரிவிக்கப்பட்டுள்ளது. கூடுதல் விபரங்கள் மற்றும் நிபந்தனைகள் குறித்து தெரிந்து கொள்ள விரும்புவோர் அருகிலுள்ள ஸ்கோடா டீலரை அணுகுமாறு கேட்டுக் கொள்ளப்பட்டுள்ளனர்.

எஞ்சின்

பெட்ரோல் மற்றும் டீசல் மாடல்களில் 104 பிஎச்பி திறன் கொண்ட 1.6 லிட்டர் எஞ்சின் பொருத்தப்பட்டிருக்கிறது. பெட்ரோல் மாடல் 5 ஸ்பீடு மேனுவல் மற்றும் 6 ஸ்பீடு ஆட்டோமேட்டிக் டிரான்ஸ்மிஷன்களிலும், டீசல் மாடல் 5 ஸ்பீடு மேனுவல் டிரான்ஸ்மிஷன் கொண்டதாகவும் கிடைக்கிறது.

மைலேஜ்

பெட்ரோல் மாடலில் மேனுவல் டிரான்ஸ்மிஷன் மாடல் லிட்டருக்கு 15.42 கிமீ மைலேஜையும், ஆட்டோமேட்டிக் மாடல் லிட்டருக்கு 14.3 கிமீ மைலேஜையும் வழங்கும் என அராய் சான்றளித்துள்ளது. டீசல் மாடல் லிட்டருக்கு 20.54 கிமீ மைலேஜை தரும் என தெரிவிக்கப்படுகிறது.

விலை

ஸ்கோடா ரேபிட் கார் ரூ.7.16 லட்சம் டெல்லி எக்ஸ்ஷோரூம் விலையிலிருந்து கிடைக்கிறது.

ரேபிட் காரின் சிறப்பம்சங்கள்

இந்த காரின் சிறப்பம்சங்கள், தொழில்நுட்ப விபரங்களை முழுமையாக தெரிந்து கொள்ள இங்கே கிளிக் செய்யுங்கள்.