கிளட்ச்லெஸ் மேனுவல் டிரான்ஸ்மிஷனுடன் டாடா நானோ கார் அறிமுகம்!

எஃப்- ட்ரோனிக்

எஃப் - ட்ரோனிக் என்ற பெயரில் அறிமுகம் செய்யப்பட்டுள்ள இந்த டாடா நானோ காரில் 5 ஸ்பீடு ஆட்டோமேட்டட் மேனுவல் டிரான்ஸ்மிஷன் கொண்டதாக இருக்கிறது.

சப்ளையர்

பெரும்பாலான ஃபார்முலா- 1 அணிகளின் தொழில்நுட்ப பார்ட்னராக செயல்பட்டு வரும் இத்தாலியை சேர்ந்த மேக்னெட்டி மரெல்லி நிறுவனம்தான் டாடா நானோ காருக்கான புதிய ஆட்டோமேட்டட் மேனுவல் டிரான்ஸ்மிஷனை சப்ளை செய்ய இருக்கிறது.

எரிபொருள் சிக்கனம்

புதிய ஆட்டோமேட்டட் மேனுவல் டிரான்ஸ்மிஷன் கொண்ட நானோ கார் 15 முதல் 20 சதவீதம் வரை கூடுதல் எரிபொருள் சிக்கனத்தை வழங்கும் என டாடா மோட்டார்ஸ் தெரிவித்துள்ளது.

டெமோ மாடல்

ஏஎம்டி என்று அழைக்கப்படும் ஆட்டோமேட்டட் மேனுவல் டிரான்ஸ்மிஷன் தொழில்நுட்பத்தையும், அமைப்பையும் பார்வையாளர்கள் தெரிந்து கொள்ளும் விதத்தில், காரின் பாதியை வெட்டியெடுத்து பார்வைக்கு நிறுத்தியுள்ளது டாடா மோட்டார்ஸ் நிறுவனம்.

குறைந்த விலை மாடல்

ஆட்டோமேட்டட் டிரான்ஸ்மிஷனுடன் டாடா நானோ கார் விற்பனைக்கு வரும்போது, மார்க்கெட்டிலேயே மிகக் குறைந்த விலை கொண்ட செமி ஆட்டோமேட்டிக் காராக இருக்கும்.