நாளை மறுதினம் புதிய டொயோட்டா எட்டியோஸ் செடான் அறிமுகம்?!

புதுப்பொலிவு

நியூ எட்டியோஸ், நியூ லிவா என்ற பெயரில் வர இருக்கும் இந்த இரு கார்களிலும் ஹெட்லைட்டுகளுக்கு நடுவே தோரணம் தொங்கவிட்டது போன்ற கிரில் அமைப்பு மாற்றப்பட்டிருக்கிறது. அதற்கு பதிலாக புதிய டிசைனிலாக குரோம் அலங்காரத்துடன் கிரில் பொருத்தப்பட்டிருக்கிறது. ரியர் வியூ கண்ணாடிகளில் இன்டிகேட்டர்கள் கொண்டதாகவும் வருகின்றன.

இன்டிரியர்

இன்டிரியரிலும் சில மாற்றங்களை காணலாம். டியூவல் டோன் இன்டிரியர், ஃபாக்ஸ் லெதர் கவர் போடப்பட்ட ஸ்டீயரிங் வீல், புதிய ஃபேப்ரிக் அப்ஹோல்ஸ்டரி ஆகியவை குறிப்பிடத்தக்க மாற்றங்களாக இருக்கும்.

டாப் வேரியண்ட்

டாப் வேரியண்ட்டில் பார்க்கிங் சென்சார்கள், ஓட்டுனருக்கான காற்றுப் பை மற்றும் ரிவர்ஸ் பார்க்கிங் சென்சார்கள் ஸ்டான்டர்டு ஆக்சஸெரீஸ்களாக இடம்பெற்றிருக்கும்.

எஞ்சின்

எஞ்சினில் மாற்றங்கள் இருக்காது. லிவா காரில் தற்போது இருக்கும் அதே 1.2 லிட்டர் பெட்ரோல் எஞ்சின் மற்றும் 1.4 லிட்டர் டீசல் எஞ்சின்களுடனும், எட்டியோஸ் செடானில் 1.5 லிட்டர் பெட்ரோல் எஞ்சின் மற்றும் 1.4 லிட்டர் டீசல் எஞ்சின் ஆப்ஷன்களில் கிடைக்கும். இரண்டிலும் 5 ஸ்பீடு மேனுவல் கியர்பாக்ஸ் கொண்டதாக இருக்கும்.

அறிமுகம்?

வரும் 15ந் தேதி புதுப்பொலிவுடன் எட்டியோஸ் செடான் வருகிறது. அதனைத் தொடர்ந்து லிவா ஹேட்ச்பேக் காரும் விற்பனைக்கு கொண்டு வரப்பட உள்ளது. சற்று கூடுதல் விலையுடன் இந்த புதிய மாடல்களை டொயோட்டா விற்பனைக்கு கொண்டு வர உள்ளது.