சிட்டிக்கு போட்டியாக வரும் புதிய டொயோட்டா செடான் கார்: புதிய தகவல்கள்

By Saravana

Published: Wednesday, September 24, 2014, 10:57 [IST]

சிட்டி காருக்கு போட்டியாக புதிய மிட்சைஸ் செடான் காரை இந்தியாவில் விற்பனைக்கு கொண்டு வர டொயோட்டா திட்டமிட்டுள்ளதாக ஏற்கனவே செய்தி வெளியிட்டிருந்தோம்.

இதனை உறுதிப்படுத்துவிதமாக புதிய டொயோட்டா செடான் கார் குறித்த கூடுதல் தகவல்கள் வெளியாகியுள்ளன. எட்டியோஸ் செடான் மற்றும் கரொல்லா ஆல்டிஸ் கார்களுக்கு இடையில் இந்த புதிய கார் நிலைநிறுத்தப்படும் என எதிர்பார்க்கப்படுகிறது.

பிளாட்ஃபார்ம்

எட்டியோஸ் செடான் காரை அடிப்படையாகக் கொண்டு புதிய மிட்சைஸ் காரை உருவாக்க டொயோட்டா முடிவு செய்துள்ளதாக தகவல்கள் கூறுகின்றன.

குறியீட்டுப் பெயர்

எட்டியோஸ் கோர்(Toyota Core) என்ற குறியீட்டுப் பெயரில் புதிய செடான் கார் வடிவமைக்கப்பட உள்ளதாக தெரிவிக்கப்படுகிறது.

எஞ்சின் ஆப்ஷன்

புதிய டொயோட்டா மிட்சைஸ் செடான் காரில் 1.5 லிட்டர் பெட்ரோல் எஞ்சின் மற்றும் 1.4 லிட்டர் டீசல் எஞ்சின் ஆப்ஷன்களுடன் அறிமுகம் செய்யப்படும் என்று எதிர்பார்க்கப்படுகிறது.