பீட்டிலை துணை பிராண்டாக மாற்றுவதற்கு ஃபோக்ஸ்வேகன் குழுமம் திட்டம்

எந்த ரகத்தில் கார்கள்?

ஜெர்மனியை சேர்ந்த ஃபோக்ஸ்வேகன் குழுமத்திடம் பல முன்னணி கார் பிராண்டுகள் உள்ளன. சாதாரண ரகம், சொகுசு ரகம், ஆடம்பர ரகம் என அனைத்து வகைகளிலும் கார் பிராண்டுகள் இருக்கும் நிலையில், பீட்டில் துணை பிராண்டில் எந்த வகை கார்கள் வெளியாகும் என்ற ஆவல் எழுந்துள்ளது. அதில், யூகிக்கப்படும் சில கார் மாடல்களை அடுத்தடுத்த ஸ்லைடுகளில் காணலாம்.

பீட்டில் டியூன் கான்செப்ட்

பீட்டில் காரை அடிப்படையாகக் கொண்டு வடிவமைக்கப்பட் சாஃப்ட் ஆஃப்ரோடர் ரக கார் கான்செப்ட் இது. இதிலும், 207 எச்பி பவரை அளிக்கும் பெட்ரோல் எஞ்சின் பொருத்தப்பட்டிருக்கும். ஸ்கிட் பிளேட், பம்பர் புரொடெக்டர் போன்ற ஆஃப்ரோடு ஆக்சஸெரீஸ்களை கொண்டிருக்கிறது.

இ-பக்ஸ்டர்

ஸ்போர்ட்ஸ் கூபே ரகத்திலான இந்த காரும் பீட்டில் காரை அடிப்படையாகக் கொண்ட கான்செப்ட் மாடல். இதுவும் பீட்டில் பிராண்டில் வெளியிடப்பட உள்ளதாக யூகத்தின் அடிப்படையிலான செய்திகள் தெரிவிக்கின்றன.

புல்லி கான்செப்ட்

ஃபோக்ஸ்வேகனின் மினிபஸ் அடிப்படையில் வடிவமைக்கப்பட்டிருக்கும் புதிய கான்செப்ட் இது. இதில்,6 பேர் மட்டுமே பயணம் செய்வதற்கான இருக்கை வசதி கொண்ட எம்பிவி மாடலாக இருக்கும். இது எலக்ட்ரிக் மோட்டாரில் இயங்கும். மேலும், பெட்ரோல், டீசல் எஞ்சின்களையும் பொருத்த முடியும்.

எப்போது வெளிவரும்?

ஒருவேளை இந்த கான்செப்ட் எம்பிவியை பீட்டில் பிராண்டில் வெளியிட ஃபோக்ஸ்வேகன் முடிவு செய்தால், 2018-19ம் ஆண்டில் விற்பனைக்கு வருமாம்.