வாவ், வாவ், வாவ்... வால்வோவின் புதிய சைல்டு சீட்... பெற்றோர்களுக்கு வரப்பிரசாதம்!!

ஏர் பில்லோ கான்செப்ட்

ஏர் பில்லோ போன்று இந்த சைல்டு சீட்டை வேண்டும்போது காற்றடைத்து பயன்படுத்தலாம். தேவையில்லாதபோது, காற்றை வெளியேற்றிவிட்டு பையில் வைத்து எடுத்துச் செல்ல முடியும். எனவே, இதை கையோடு எடுத்து செல்வது பெற்றோர்களுக்கு மிக எளிதாக இருக்கும்.

காற்று நிரப்புவது எளிது?

இந்த சைல்டு சீட்டில் காற்று நிரப்புவதற்கா இன்பில்ட் காற்று பம்ப் ஒன்று பொருத்தப்பட்டிருக்கிறது. 40 வினாடிகளில் சைல்டு சீட்டில் காற்று நிரப்பி விடலாம். மேலும், புளூடூத் வசதி மூலம் ரிமோட் கன்ட்ரோல் முறையில் காற்று பிடிக்கும் வசதியும் இருக்கிறது.

சவுகரியம்

காற்றை வெளியேற்றிவிடும்போது இந்த சைல்டு சீட் வெறும் 5 கிலோ எடை கொண்டதாக இருக்கும். துணி போன்று மடித்து பையில் வைத்து எடுத்து செல்லலாம்.

பிரத்யேக ஃபேப்ரிக்

மடக்கி எடுத்து செல்லும் படகுகளில் பயன்படுத்தப்படும் உயர் ரக டிராப் ஸ்டிச் ஃபேப்ரிக்கில்தான் இந்த சைல்டு சீட்டும் தயாரிக்கப்படுகிறது.

உற்பத்தி?

இது தற்போது கான்செப்ட் நிலையில்தான் இருக்கிறது. அதேவேளை, தயாரிப்பு நிலையை எட்டும்போது இது வாடிக்கையாளர்களிடம் சிறப்பான வரவேற்பை பெறும் என்று இதன் டிசைனர் லாரன்ஸ் அபிலி தெரிவிக்கிறார். தற்போது சைல்டு சீட்டை தூக்கிக் கொண்டு அலைவதை தவிர்க்கும் பெற்றோர்களுக்கு, இந்த சைல்டு சீட் வர்த்தக ரீதியில் விற்பனைக்கு வரும்போது பெற்றோர்களுக்கு வரப்பிரசாதமாக அமையும்.