போலோ காரின் அனைத்து வேரியண்ட்டுகளிலும் ஏர்பேக்குகள்!

போலோ காரின் அனைத்து வேரியண்ட்டுகளிலும் முன் வரிசையிலும் டூயல் ஏர்பேக்குகள் நிரந்தர அம்சமாக இடம் பெற்றிருக்கும் என ஃபோக்ஸ்வேகன் அறிவித்துள்ளது.

அனைத்து வேரியண்ட்டுகளிலும் டூயல் ஏர்பேக்குகளுடன் வரும் பிரிமியம் ஹேட்ச்பேக் மாடல் போலோ என்பதும் குறிப்பிடத்தக்கது. இதுதவிர, கம்போர்ட்லைன் வேரியண்ட்டில் ஏபிஎஸ் பிரேக்கிங் சிஸ்டம் நிரந்தர அம்சமாக வழங்குவதாகவும் தெரிவித்துள்ளது. இதன்மூலம், வாடிக்கையாளர்களுக்கு சிறந்த பாதுகாப்பு மிக்க காராக போலோ இருக்கும் என ஃபோக்ஸ்வேகன் தெரிவித்துள்ளது.

இதனிடையே, உற்பத்தி செலவீனத்தை காரணம் காட்டி போலோ மற்றும் வென்ட்டோ கார்களின் விலையை 2.7 சதவீதம் உயர்த்துவதாக ஃபோக்ஸ்வேகன் அறிவித்துள்ளது.

வரும் பிப்ரவரி 1ந் தேதி முதல் இந்த விலை உயர்வு அமலுக்கு வருகிறது. போலோ காரின் விலை ரூ.22,700 வரையிலும், வென்ட்டோ காரின் விலை ரூ.26,800 வரையிலும் அதிகரிக்கும்.