ஹூண்டாய் கார்களுக்கான சிறப்புச் சலுகைகள் - விபரம்

By Saravana

Published: Tuesday, December 9, 2014, 10:57 [IST]

புத்தாண்டுக்கு இன்னும் மூன்று வாரங்களே இருக்கும் நிலையில், ஆண்டு விற்பனை இலக்கை எட்டுவதற்காக பல்வேறு சிறப்புச் சலுகைகளை கார் நிறுவனங்கள் அறிவித்து வருகின்றன.

அந்த வகையில், நாட்டின் இரண்டாவது பெரிய கார் நிறுவனமான ஹூண்டாய் மோட்டார்ஸ் நிறுவனமும் புதிய எலைட் ஐ20 காரை தவிர்த்து பிற அனைத்து மாடல்களுக்கும் சிறப்பு சலுகைகளை வழங்குகிறது. அதன் விபரங்களை ஸ்லைடரில் காணலாம்.

ரூ.1.60 லட்சம் வரை சலுகைகள்

ரூ.14,000 முதல் ரஹூ.1.60 லட்சம் வரையில் சேமிக்கும் வகையிலான சிறப்புச் சலுகைகளை ஹூண்டாய் வழங்குகிறது. இன்ஸ்யூரன்ஸ், எக்ஸ்சேஞ்ச் போனஸ் உள்ளிட்டவை அடங்கியதாக இந்த சிறப்புச் சலுகைகள் வழங்கப்படுகின்றன.

சான்ட்ரோ

சான்ட்ரோ காருக்கு ரூ.38,500 வரையில் சேமிக்கும் வாய்ப்பை ஹூண்டாய் மோட்டார்ஸ் வழங்குகிறது. இந்த மாதத்துடன் இந்த காரின் உற்பத்தி நிறுத்தப்பட இருப்பதும் குறிப்பிடத்தக்கது.