ஸகாடோ கைவண்ணத்தில் உருமாறிய லம்போ கல்லார்டோ!

கூடுதல் தகவல்கள்

கூடுதல் தகவல்களையும், படங்களையும் அடுத்தடுத்த ஸ்லைடுகளில் காணலாம்.

இது முதல் கார்

லம்போ கல்லார்டோ 5-95 வரிசையிலான ஸ்பெஷல் மாடல்களில் முதலாவது கார் சுவிட்சர்லாந்து நாட்டை சேர்ந்த கார் சேகரிப்பாளர் ஆல்பர்ட் ஸ்பைஸ் என்பவருக்காக கஸ்டமைஸ் செய்து கொடுக்கப்பட்டுள்ளது. இதைத்தொடர்ந்து, தற்போது இரண்டாவது மாடல் வெளியிடப்பட்டுள்ளது.

டிசைன்

கல்லார்டோவின் ஒரிஜினல் பாடியை எடுத்துவிட்டு ஸகாடோ கைவண்ணத்தில் டிசைன் செய்யப்பட்டுள்ளது. முட்டை வடிவ முகப்பு கிரில், வட்ட வடிவ கூரை, அரைவட்ட வடிவ வீல் ஆர்ச், வட்ட வடிவ டெயில் லைட்டுகள் ஆகியவற்றின் மூலம் ஒரிஜினல் கல்லார்டோ காரிலிருந்து டிசைன் வித்தியாசப்படுத்தப்பட்டிருக்கிறது.

மஞ்சள் வண்ணம்

5-95 வரிசையில் இரண்டாவது மாடலான இந்த கார் மஞ்சள் வண்ணத்தில் வெளியிடப்பட்டுள்ளது.

எஞ்சின்

பாடி டிசைனில் அதிக மாற்றங்கள் செய்யப்பட்டிருந்தாலும், எஞ்சினில் மாற்றங்கள் இல்லை. 562 எச்பி பவரை அளிக்கும் 5.2 லிட்டர் வி10 எஞ்சின் பொருத்தப்பட்டிருக்கும். ஆனால், வாடிக்கையாளரின் விருப்பத்தின்பேரில் இந்த காரின் எஞ்சினை அதிக பவர் கொண்டதாக ட்யூனிங் செய்து கொடுக்கவும் ஸகாடோ தயாராக இருப்பதாக தெரிவிக்கப்படுகிறது.

விலை

விலை விபரங்கள் வெளியிடப்படவில்லை. 5 -95 வரிசையில் மொத்தம் 5 கார்கள் விற்பனை செய்யப்பட உள்ளதாக ஸகாடோ தெரிவித்துள்ளது. அதில், இது இரண்டாவது கார் மாடலாகும்.