Just In
- 1 hr ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- 1 hr ago 7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
- 2 hrs ago இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
- 2 hrs ago உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!
Don't Miss!
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Lifestyle வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
இந்தியாவில் மல்லுக்கட்ட வரிசை கட்டி நிற்கும் 6 புதிய பிரிமியம் எஸ்யூவிகள்!
தீபாவளியையொட்டிய பண்டிகை காலத்தில் கார் வாங்குவதற்கு பலரும் திட்டமிடுவது வாடிக்கை. அதில், ரூ.20 லட்சம் முதல் ரூ.30 லட்சம் வரையிலான பட்ஜெட்டில் பிரிமியம் எஸ்யூவி வாங்க திட்டமிட்டிருப்பவர்கள் சற்று நிதானம் காப்பது நல்லது. ஏனெனில், 6 புதிய எஸ்யூவி மாடல்கள் விரைவில் இந்தியாவில் விற்பனைக்கு வர இருக்கின்றன. எனவே. சற்று கூடுதலாக காத்திருந்தால், புதிய தலைமுறை மாடலையோ அல்லது புத்தம் புது மாடலையே வாங்கும் வாய்ப்பை பெறலாம்.
எனவே, வாங்கிய சில மாதங்களில் புதிய மாடல் வந்தால், உங்கள் மனது தப்பு செய்துவிட்டோமே என்று ஏங்கும். எனவே, சில மாதங்கள் கூடுதலாக காத்திருந்தால், புதிய மாடலாகவே வாங்கிவிடலாம். அடுத்த சில ஆண்டுகளுக்கு எந்த மன வருத்தமும் இல்லாமல் ஓட்டலாம். எனவே, பிரிமியம் எஸ்யூவி வாங்க திட்டமிட்டிருப்பவர்கள், இந்த பட்டியலை பார்த்துவிட்டு முடிவு செய்துவிடலாம்.
மாடல் விபரம்
ஒவ்வொரு மாடலை பற்றியும் தலா 2 ஸ்லைடுகளில் விபரங்கள் கொடுக்கப்பட்டிருக்கிறது. புதிய மாடலின் கூடுதல் விபரங்கள், அதிக படங்களை காண விரும்புவோர்க்கு வசதியாக, அந்தந்த கார் மாடல் குறித்த கூடுதல் தகவல்கள் அடங்கிய செய்தி இணைப்பையும் கொடுத்திருக்கிறோம்.
01. டொயோட்டா ஃபார்ச்சூனர்
இந்திய பிரிமியம் எஸ்யூவி மார்க்கெட்டில் விற்பனையில் முதலிடத்தில் இருக்கும் டொயோட்டா ஃபார்ச்சூனர் முற்றிலும் புதிய தலைமுறை மாடலாக வர இருக்கிறது. அடுத்த ஆண்டு டெல்லி ஆட்டோ எக்ஸ்போ மூலமாக இந்தியாவில் இந்த புதிய மாடல் அறிமுகம் செய்யப்படும் என எதிர்பார்க்கப்படுகிறது. இந்த செக்மென்ட்டில் சிறந்த எஸ்யூவி மாடலாக இதனை கூறலாம்.
ஃபார்ச்சூனர் தொடர்ச்சி...
புதிய டொயோட்டா ஃபார்ச்சூனர் எஸ்யூவியில் 2.4 லிட்டர் டீசல் எஞ்சின் அதிகபட்சமாக 150 பிஎஸ் பவரையும், 323 என்எம் டார்க்கையும் வெளிப்படுத்தும். 2.8 லிட்டர் டீசல் எஞ்சின் அதிகபட்சமாக 180 பிஎஸ் பவரையும், 450 என்எம் டார்க்கையும் அளிக்கும். புதிய ஃபார்ச்சூனர் 6 ஸ்பீடு மேனுவல் மற்றும் ஆட்டோமேட்டிக் கியர்பாக்ஸ் கொண்ட மாடல்களில் கிடைக்கும். 4 வீல் டிரைவ் சிஸ்டத்துடன் வருகிறது. எஞ்சின்கள் 10 சதவீதம் கூடுதல் எரிபொருள் சிக்கனத்தை தரும் வகையில் மாற்றங்கள் செய்யப்பட்டிருக்கிறது.
02. மிட்சுபிஷி பஜேரோ ஸ்போர்ட்
பஜேரோ பெயருக்கு தனி மதிப்பு இருக்கிறது. இந்த நிலையில், தாய்லாந்தில் சமீபத்தில் அறிமுகம் செய்யப்பட்ட புதிய மிட்சுபிஷி பஜேரோ ஸ்போர்ட், அடுத்த ஆண்டு இந்தியாவில் விற்பனைக்கு வர இருக்கிறது. புதிய டொயோட்டா ஃபார்ச்சூனர் போன்றே, அதிக அளவில் டிசைன் மாற்றங்களை சந்தித்திருக்கிறது. மேலும், நவீன வசதிகள் பலவும் இந்த எஸ்யூவியில் சேர்க்கப்பட்டிருக்கிறது.
பஜேரோ ஸ்போர்ட் தொடர்ச்சி...
புதிய மிட்சுபிஷி பஜேரோ ஸ்போர்ட் எஸ்யூவியில் 178 எச்பி பவரையும், 430 என்எம் டார்க்கையும் வழங்கும் 2.4 லிட்டர் டர்போசார்ஜ்டு டீசல் எஞ்சின் இடம்பெற்றிருக்கும். 8 ஸ்பீடு ஆட்டோமேட்டிக் கியர்பாக்ஸ் மற்றும் சூப்பர் செலக்ட் 4 வீல் டிரைவ் சிஸ்டத்துடன் வருகிறது.
03. ஃபோர்டு எண்டெவர்
ஃபோர்டு நிறுவனத்தின் ஆஸ்திரேலிய டிசைன் பிரிவால் உருவாக்கப்பட்டிருக்கும் புதிய ஃபோர்டு எண்டெவர் முற்றிலும் புதிய தலைமுறை மாடலாக மாறியிருக்கிறது. பார்ப்பதற்கு கச்சிதமாகவும், நாகரீகமான டிசைன் அமைப்பை பெற்றிப்பதால், நிச்சயம் போட்டியாளர்களுக்கு சவாலாக விளங்கும்.
எண்டெவர் தொடர்ச்சி...
தற்போதைய மாடலில் பயன்படுத்தப்படும் 2.5 லிட்டர் மற்றும் 3.0 லிட்டர் டீசல் எஞ்சின்களுக்கு பதிலாக, புதிய ஃபோர்டு எண்டெவர் எஸ்யூவியில் 2.2 லிட்டர் மற்றும் 3.2 லிட்டர் டீசல் எஞ்சின்களுடன் வருகிறது. இந்த டீசல் எஞ்சின்கள், முறையே 148 பிஎச்பி மற்றும் 197 பிஎச்பி பவரை வெளிப்படுத்தக்கூடியதாக இருக்கும்.
04. நிசான் எக்ஸ் ட்ரெயில்
இனி பிரிமியம் எஸ்யூவி தேர்வு பட்டியலில் இந்த மாடலும் இடம்பிடிக்கும். முந்தைய தலைமுறை மாடலைவிட பலவிதங்களில் உருமாறியிருக்கும் நிசான் எக்ஸ் ட்ரெயில் விரைவில் இந்தியாவில் களமிறங்குகிறது. ஸ்டைலான டிசைன், நவீன தொழில்நுட்ப வசதிகள் என அசத்தலாக வருகிறது. மேலும், சாலை நிலைகளுக்கு தகுந்தாற்போல், தானியங்கி முறையில் மாறிக்கொண்டு சொகுசான பயணத்தை வழங்கும் சஸ்பென்ஷன் அமைப்பையும் பெற்றிருக்கிறது புதிய மாடல். முந்தைய தலைமுறை மாடல் சத்தமில்லாமல், இடத்தை காலி செய்த நிலையில், புதிய மாடல் நிச்சயம் போட்டியாளர்களுக்கு நெருக்கடியை தரலாம்.
எக்ஸ் ட்ரெயில் தொடர்ச்சி...
புதிய நிசான் எக்ஸ் ட்ரெயில் எஸ்யூவி 2.0 லிட்டர் டீசல் எஞ்சின் கொண்ட மாடலில் விற்பனைக்கு அறிமுகம் செய்யப்படும் என எதிர்பார்க்கப்படுகிறது. இந்த எஞ்சினுடன் சிவிடி ஆட்டோமேட்டிக் கியர்பாக்ஸ் கொண்டதாக கிடைக்கும். மேலும், இந்த எஸ்யூவி 7 சீட்டர் மாடலிலும் வருவதால், நிச்சயம் போட்டியாளர்களுடன் மல்லுக்கட்டும்.
05. ஃபோக்ஸ்வேகன் டிகுவான்
ஃபோக்ஸ்வேகன் டிகுவான் எஸ்யூவியும் இந்தியா வருவது உறுதி செய்யப்பட்டிருப்பதுடன், இந்தியாவிலேயே அசெம்பிள் செய்யப்படும் என்றும் தெரிவிக்கப்பட்டிருக்கிறது. இது 5 சீட்டர் மற்றும் 7 சீட்டர் மாடல்களில் வருகிறது.
டிகுவான் தொடர்ச்சி...
இந்தியாவில் 2.0 லிட்டர் டீசல் எஞ்சினுடன் இந்த புதிய ஃபோக்ஸ்வேகன் டிகுவான் எஸ்யூவி விற்பனைக்கு வர இருக்கிறது. இந்த எஞ்சின் சர்வதேச மார்க்கெட்டில் 150பிஎஸ், 190பிஎஸ் மற்றும் 240 பிஎஸ் என மூன்றுவிதமான பவரை அளிக்கும் மாடல்களில் வருகிறது. இதில், ஒரேயொரு ஆப்ஷன் மட்டும் இந்தியாவில் அறிமுகம் செய்யப்படும் என எதிர்பார்க்கப்படுகிறது.
06. செவர்லே ட்ரெயில்பிளேசர்
இந்திய மார்க்கெட்டில் முக்கிய இடத்தை பெறுவதற்காக தீவிர வர்த்தக கொள்கைகளுடன் களமிறங்கியிருக்கும் ஜெனரல் மோட்டார்ஸ் நிறுவனம் செவர்லே பிராண்டில் புதிய ட்ரெயில்பிளேசர் எஸ்யூவியை விரைவில் களமிறக்க உள்ளது. தீபாவளியையொட்டி வருகை தர இருக்கும் இந்த புதிய மாடல் வாடிக்கையாளர்களர்களுக்கு சிறப்பான தேர்வாக அமையும் என்பதில் சந்தேகமில்லை.
ட்ரெயில்பிளேசர் தொடர்ச்சி...
இந்த எஸ்யூவியில் 2.5 லிட்டர் டீசல் எஞ்சின் பொருத்தப்பட்டு இருக்கும். இந்த எஞ்சின் அதிகபட்சமாக 150பிஎஸ் பவரையும், 350என்எம் டார்க்கையும் வழங்கும். மற்றொரு எஞ்சின் ஆப்ஷனான 2.8 லிட்டர் மாடல் அதிகபட்சமாக 180 எச்பி பவரையும், 470 என்எம் டார்க்கையும் கொண்டதாக இருக்கும்.
-
2019ல் வேணும்னே கடலில் மூழ்கடிக்கப்பட்ட விமானம்.. இப்ப அதோட நிலைமை என்ன? ஏன் அதை கடலில் தள்ளி விட்டாங்க?
-
2.5 லட்சத்தில் எந்த பைக்கை வாங்குவது என தெரியாமல் முழிக்கிறீங்களா? ஹீரோவில் இருந்து ஜாவா வரையில்!!
-
நானோ காரை நமக்கு தெரியும்! ஆனா இது அது கிடையாது... டாடா உருவாக்கிய இந்த கார் கடைசி வர வெளியே வராமல் போய்டுச்சே