புதிய பஜாஜ் க்யூட் குவாட்ரிசைக்கிள் அறிமுகம்... இப்போது ஏற்றுமதிக்கு மட்டும்!!

ஏற்றுமதி மட்டும்

இந்தியாவில் விற்பனை செய்வதற்கு அனுமதி கிடைக்காததையடுத்து, முதலில் வெளிநாடுகளில் பஜாஜ் க்யூட் விற்பனைக்கு செல்ல இருக்கிறது. மொத்தம் 16 நாடுகளில் இந்த புதிய பஜாஜ் க்யூட் குவாட்ரிசைக்கிள் விற்பனைக்கு செல்ல இருக்கிறது.

அனுமதி

புதிய பஜாஜ் க்யூட் வாகனத்திற்கு ஐரோப்பிய குவாட்ரிசைக்கிள் விதிகளுக்குட்பட்ட அம்சங்களை கொண்டிருப்பதாக, நெதர்லாந்து வாகன போக்குவரத்து ஆணையம் சான்று வழங்கியிருக்கிறது. இதன்மூலம், அங்கு இந்த புதிய குவாட்ரிசைக்கிள் விற்பனைக்கு செல்லும் வாய்ப்பு ஏற்பட்டிருக்கிறது.

எஞ்சின்

புதிய பஜாஜ் க்யூட் குவாட்ரிசைக்கிளில் மூன்று ஸ்பார்க் பிளக்குகள் கொண்ட 217சிசி டிடிஎஸ்-ஐ பெட்ரோல் எஞ்சின் பொருத்தப்பட்டு இருக்கிறது.

மைலேஜ்

பஜாஜ் க்யூட் லிட்டர் பெட்ரோலுக்கு 36 கிமீ மைலேஜ் தரும் என்று பஜாஜ் ஆட்டோ தெரிவிக்கிறது. மணிக்கு அதிகபட்சமாக 70 கிமீ வேகம் வரை செல்லும்.

விலை மதிப்பு

பஜாஜ் க்யூட் 2,000 டாலர் விலையில் அறிமுகம் செய்யப்பட்டிருக்கிறது. இந்திய மதிப்பில் ரூ.1.32 லட்சம் விலை கொண்டதாக இருக்கிறுது.