வருகிறது செவர்லே பீட் காரில் அடிப்படையில் புதிய மினி செடான் கார்!

புதிய மாடல்கள்

இந்தியாவில் 10 புதிய கார் மாடல்களை அறிமுகம் செய்ய ஜெனரல் மோட்டார்ஸ் திட்டமிட்டிருக்கிறது. அதில், ஒன்றாக புதிய மினி செடான் காரும் அறிமுகம் செய்யப்பட உள்ளது.

பீட் பிளாட்ஃபார்ம்

தற்போது விற்பனையில் இருக்கும் பீட் ஹேட்ச்பேக் காரின் அடிப்படையில் புதிய மினி செடான் கார் உருவாக்கப்பட இருக்கிறது.

எஞ்சின் ஆப்ஷன்

தற்போது பீட் காரில் இருக்கும் அதே 1.2 லிட்டர் பெட்ரோல் எஞ்சின் புதிய மினி செடானிலும் பயன்படுத்தபடும் வாய்ப்புள்ளது. ஆனால், பீட் டீசல் மாடலில் இருக்கும் 1.0 லிட்டர் எஞ்சினுக்கு பதிலாக, செயில் யுவா ஹேட்ச்பேக் காரில் இருக்கும் 1.3 லிட்டர் டீசல் எஞ்சின் புதிய மினி செடான் காரில் பயன்படுத்தப்படும் என்று எதிர்பார்க்கப்படுகிறது.

அறிமுகம்

2017ம் ஆண்டு பீட் கார் அடிப்படையிலான புதிய மினி செடான் கார் விற்பனைக்கு கொண்டு வர ஜெனரல் மோட்டார்ஸ் திட்டமிட்டிருக்கிறது.

பெரும் முதலீடு

இந்தியாவில் 10 புதிய கார் மாடல்களை அறிமுகப்படுத்துவதற்கும், வர்த்தக நடவடிக்கைகளுக்காக ஒரு பில்லியன் டாலர், அதாவது ரூ.6,400 கோடி வரை முதலீடு செய்ய இருப்பதாக கடந்த வாரம் டெல்லியில் நடந்த நிகழ்ச்சியில் ஜெனரல் மோட்டார்ஸ் அறிவித்தது குறிப்பிடத்தக்கது.