சென்னை உள்ளிட்ட நகரங்களில் ஃபோர்டு ஆஸ்பயர் தரிசனம்...!!

4 மீட்டர் செடான்

மாருதி டிசையர், ஹோண்டா அமேஸ் உள்ளிட்ட கார்களுக்கு நேரடி போட்டியாக 4 மீட்டருக்கும் குறைவான நீளம் கொண்டதாக இந்த புதிய கார் வர இருக்கிறது. வடிவமைப்பில் மிகச்சிறப்பாக இருப்பது வாடிக்கையாளர்களின் எதிர்பார்ப்பை அதிகரித்துள்ளது.

எஞ்சின்

புதிய ஃபோர்டு ஆஸ்பயர் காம்பேக்ட் செடான் காரில் 1.2 லிட்டர் பெட்ரோல் எஞ்சின் மற்றும் 1.5 லிட்டர் டீசல் எஞ்சின் ஆப்ஷன்கள் அளிக்கப்பட உள்ளன. இதில், பெட்ரோல் மாடலில் 5 ஸ்பீடு மேனுவல் கியர்பாக்ஸ் மற்றும் 6 ஸ்பீடு ஆட்டோமேட்டிக் கியர்பாக்ஸ் கொண்ட மாடல்களிலும், டீசல் மாடல் 5 ஸ்பீடு மேனுவல் கியர்பாக்ஸ் கொண்டதாகவும் வர இருக்கிறது.

டாப் வசதிகள்

இந்த காரின் டாப் வேரியண்ட் மிகச்சிறப்பான வசதிகளை அளிக்கும். ஆம், இந்த காரின் டாப் வேரியண்ட்டில் ஃபோர்டு சிங்க் தகவல் தொடர்பு வசதி, ஆட்டோமேட்டிக் க்ளைமேட் கன்ட்ரோல் ஏசி, 6 ஏர்பேக்குகள் கொண்டதாக வருகிறது.

எதிர்பார்க்கும் விலை

ரூ.5 லட்சம் முதல் ரூ.7.5 லட்சம் வரையிலான எக்ஸ்ஷோரூம் விலையில் விற்பனைக்கு வரும் என்று எதிர்பார்க்கப்படுகிறது.

சென்னை விபரம்

இன்றும், நாளையும் ராயப்பேட்டையில் உள்ள எக்ஸ்பிரஸ் அவென்யூ வணிக வளாகத்தில் இந்த புதிய ஃபோர்டு ஆஸ்பயர் காட்சிக்கு வைக்கப்பட்டிருக்கும். வரும் 16 மற்றும் 17 தேதிகளில் அமைந்தகரையில் உள்ள அம்பா ஸ்கைவால்க் வளாகத்தில் பார்வைக்கு வைக்கப்பட்டிருக்கும். அடுத்த மாதம் 6 மற்றும் 7 தேதிகளில் வேளச்சேரியிலுள்ள ஃபீனிக்ஸ் வணிக வளாகத்தில் இந்த கார் பார்வைக்கு வைக்கப்பட்டிருக்கும்.

கோவை விபரம்

வரும் 23 மற்றும் 24 தேதிகளில் கோவையில் உள்ள புரூக்ஃபீல்டு மாலில் இந்த புதிய ஃபோர்டு ஆஸ்பயர் கார் பார்வைக்கு வைக்கப்பட்டிருக்கும் என்று தெரிவிக்கப்பட்டிருக்கிறது.

பெங்களூர் விபரம்

வரும் 13 மற்றும் 14 தேதிகளில் பெங்களூரில் உள்ள ஒரியான் வணிக வளாகத்திலும், அடுத்த மாதம் 20 மற்றும் 21 தேதிகளில் ஒயிட்ஃபீல்டு மெயின் ரோட்டில் உள்ள ஃபீனிக்ஸ் மார்க்கெட் சிட்டியிலும் புதிய ஃபோர்டு ஆஸ்பயர் கார் பார்வைக்கு வைக்கப்பட்டிருக்கும் என்று தெரிவிக்கப்பட்டுள்ளது.