ஹூண்டாய் கிராண்ட் ஐ10 காரின் க்ராஸ்ஓவர் மாடல் அறிமுகம் - விபரம்!

பெயர்

ஹூண்டாய் கிராண்ட் ஐ10எக்ஸ் என்ற பெயரில் இந்த புதிய மாடல் விற்பனைக்கு அறிமுகம் செய்யப்பட்டிருக்கிறது.

மாற்றங்கள்

காரை சுற்றிலும் பிளாஸ்டிக் கிளாடிங்குகள் கொடுக்கப்பட்டிருப்பதால், இது க்ராஸ்ஓவர் தோற்றத்தை பெற்றிருக்கிறது. புதிய அலாய் வீல்கள், ஸ்கிட் பிளேட், பனி விளக்குகள், எல்இடி பகல்நேர விளக்குகள் போன்றவையும் வெளிப்புறத் தோற்றத்திற்கு வலு சேர்க்கும் அம்சங்கள்.

எஞ்சின்

புதிய ஹூண்டாய் கிராண்ட் ஐ10எக்ஸ் காரில் 81.83 எச்பி பவரையும், 116 என்எம் டார்க்கையும் வழங்கும் 1.2 லிட்டர் கப்பா பெட்ரோல் எஞ்சின் பொருத்தப்பட்டிருக்கிறது. 5 ஸ்பீடு கியர்பாக்ஸ் கொடுக்கப்பட்டுள்ளது.

மேட் இன் சென்னை

இந்தோனேஷியாவில் விற்பனைக்கு சென்றிருக்கும், புதிய ஹூண்டாய் ஐ10எக்ஸ் கார் சென்னையிலுள்ள ஹூண்டாய் ஆலையில்தான் உற்பத்தி செய்யப்படுகிறது. எனவே, இந்தியாவிலும் விரைவில் அறிமுகம் செய்வதற்கான வாய்ப்புகள் உள்ளது.

விலை

இந்திய மதிப்பில் ரூ.7.46 லட்சம் விலையில் இந்தோனேஷியாவில் விற்பனைக்கு அறிமுகம் செய்யப்பட்டிருக்கிறது புதிய ஹூண்டாய் கிராண்ட் ஐ10எக்ஸ்.