சன்ரூஃப் கொண்ட மஹிந்திரா எக்ஸ்யூவி 500... ஸ்பெஷல் எடிசன் - விபரம்

வண்ணம்

வெள்ளை வண்ணத்தில் மட்டுமே இந்த புதிய ஸ்பெஷல் எடிசன் எக்ஸ்யூவி 500 கிடைக்கும். இந்த ஸ்பெஷல் எடிசன் மாடலின் டாப் வேரியண்ட்டில் 6 வே அட்ஜெஸ்ட் கொண்ட டிரைவர் இருக்கை, ஹைட்ராலிக் அசிஸ்ட் பானட் போன்றவை கூடுதல் வசதிகளாக இருக்கும். மற்ற கூடுதல் வசதிகள் புதிய ஸ்பெஷல் எடிசனின் இரு மாடல்களிலும் பொதுவாக இருக்கும். அவற்றை தொடர்ந்து காணலாம்.

சன்ரூஃப்

ஆன்ட்டி பிஞ்ச் எனப்படும் பொருட்களை கண்டுணர்ந்து செயல்படும் சன்ரூஃப் கொடுக்கப்ட்டுள்ளது. கைகள் அல்லது விரல்கள் பட்டால் கண்ணாடி மூடாமல் விலகிவிடும்.

அட்ஜெஸ்ட் இருக்கை

6 வே பவர் அட்ஜெஸ்ட் வசதியுடன் கூடிய ஓட்டுனர் இருக்கை கொடுக்கப்பட்டுள்ளது. இது ஓட்டுனர் வசதியாக அமர்ந்து செல்ல உதவிபுரியும்.

இன்டர்நெட் வசதி

இன்டர்நெட் வசதியை அளிக்கும் புதிய இன்ஃபோடெயின்மென்ட் சிஸ்டம் மற்றும் ரிவர்ஸ் கேமரா நிரந்தர அம்சங்களாக இடம்பெற்றிருக்கின்றன.

பிரத்யேக அலாய் வீல்கள்

பிரத்யேக வண்ணத்திலான அலாய் வீல்களும் இந்த ஸ்பெஷல் எடிசன் மாடலுக்கு கூடுதல் வலு சேர்க்கிறது.

அலுமினியம் பெடல்கள்

பார்ப்பதற்கு ஸ்போர்ட்டியாக இருக்கும் விதத்திலான அலுமினியம் பெடல்கள் கொடுக்கப்பட்டுள்ளன.

ஸ்கஃப் பிளேட்

எக்ஸ்யூவி 500 பேட்ஜுடன் ஒளி பின்னணியை வழங்கும் ஸ்கஃப் பிளேட் கொடுக்கப்பட்டுள்ளது.

பேட்ஜ்

சிறப்பு பதிப்பு என்பதற்காக பின்புறத்தில் எக்ஸ்க்ளூசிவ் எடிசன் பேட்ஜ் கொடுக்கப்பட்டுள்ளது.

கூடுதல் வசதிகள்

வாய்ஸ் மெசெஜ் சிஸ்டம், ஆன்ட்டி பிஞ்ச் வசதி கொண்ட ஓட்டுனர் பக்க பவர் விண்டோஜ் போன்றவையும் கூடுதல் வசதியாக தெரிவிக்கப்பட்டுள்ளது.

எஞ்சின்

இந்த எக்ஸ்க்ளூசிவ் எடிசன் மாடலில் 2.2 லிட்டர் எம்ஹாக் டீசல் எஞ்சின் உள்ளது. இந்த எஞ்சின் 138 பிஎச்பி பவரையும், 330 என்எம் டார்க்கையும் வழங்கும். 6 ஸ்பீடு கியர்பாக்ஸ் கொண்டதாக கிடைக்கும்.

விலை விபரம்

பவர் அசிஸ்ட் டிரைவர் சீட் கொண்ட மாடல் ரூ.14.65 லட்சம் எக்ஸ்ஷோரூம் விலையிலும், பவர் அசிஸ்ட் டிரைவர் சீட் வசதி இல்லாத எக்ஸ்க்ளூசிவ் எடிசன் மாடல் ரூ.14.49 லட்சம் எக்ஸ்ஷோரூம் டெல்லி விலையிலும் கிடைக்கும். இது லிமிடேட் எடிசன் மாடல். மொத்தம் 700 கார்கல் மட்டுமே இந்த ஸ்பெஷல் எடிசனில் விற்பனை செய்யப்படும்.