இந்த மாதம் விற்பனைக்கு வருகிறது மாருதி டிசையர் ஃபேஸ்லிஃப்ட்!

டிசைன் மாற்றங்கள்

வெளிப்புறத்தை பொறுத்தவரையில், அனேக மாற்றங்கள் முன்பக்கத்திலேயே நடந்துள்ளன. குரோம் பட்டையுடன் கூடிய க்ரில் கொடுக்கப்பட்டுள்ளது. ஸ்மோக்டு ஹெட்லைட் புதிய அம்சமாக இருக்கும். மேலும், புதிய அப்ஹோல்ஸ்டரி கொண்டதாக வர இருக்கிறது.

கூடுதல் வசதிகள்

கடந்த ஆண்டு விற்பனைக்கு அறிமுகம் செய்யப்பட்ட ஸ்விஃப்ட் கார் போன்றே இந்த புதிய டிசையர் காரில் புஷ் பட்டன் ஸ்டார்ட், ஆட்டோ ஃபோல்டிங் ரியர் வியூ கண்ணாடிகள் போன்றவை இருக்கும்.

கூடுதல் மைலேஜ்

தற்போது விற்பனையில் இருக்கும் டிசையர் காரின் பெட்ரோல் மாடல் லிட்டருக்கு 19.1 கிமீ மைலைஜேயும், ஆட்டோமேட்டிக் மாடல் லிட்டருக்கு 17.4 கிமீ மைலேஜையும், டீசல் மாடல் லிட்டருக்கு 23.4 கிமீ மைலேஜையும் வழங்கும் என தெரிவிக்கப்படுகிறது. ஆனால், புதிய மாடலின் மைலேஜ் இன்னும் கூடுதலாக இருக்கும் விதத்தில் எஞ்சின்கள் மாற்றங்கள் செய்யப்பட்டுள்ளன. குறிப்பாக, டீசல் மாடல் லிட்டருக்கு 25 கிமீ மைலேஜ் தருவதாக இருக்கும் என்று தகவல்கள் கூறுகின்றன.

எஞ்சின் ஆப்ஷன்கள்

எஞ்சின் ஆப்ஷன்களில் எவ்வித மாற்றங்களும் இருக்காது. தற்போது விற்பனையில் இருக்கும் அதே 85பிஎச்பி பவரை அளிக்கும் 1.2 லிட்டர் பெட்ரோல் எஞ்சின் மற்றும் 74 பிஎச்பி பவரை அளிக்கும் 1.3 லிட்டர் டீசல் எஞ்சினுடன் கிடைக்கும். 5 ஸ்பீடு மேனுவல் கியர்பாக்ஸ் மாடல்களில் கிடைக்கும். பெட்ரோல் மாடலில் ஆட்டோமேட்டிக் கியர்பாக்ஸ் கொண்டதாகவும் பெற்றுக்கொள்ளலாம்.

விலை

தற்போதேயை மாடலைவிட சற்று கூடுதல் விலையில் புதிய டிசையர் விற்பனைக்கு வருகிறது. பிப்ரவரி 23ந் தேதி புதிய டிசையர் விற்பனைக்கு வர இருப்பதாக தகவல்கள் தெரிவிக்கின்றன. அடுத்த மாதம் முதல் வாரத்தில் டெலிவிரி துவங்கப்பட உள்ளதாக பெங்களூர் டீலர் வட்டாரத் தகவல்கள் கூறுகின்றன.

டிசையர் ஆன்ரோடு விலை

மாருதி டிசையர் காரின் சென்னை ஆன்ரோடு விலை