மாருதி பெலெனோ காரின் தயாரிப்பு நிலை மாடல் அறிமுகம்!

பிரிமியம் மாடல்

எஸ் க்ராஸ் காரைத் தொடர்ந்து மாருதியின் நெக்ஸா பிரிமியம் ஷோரூம்கள் வாயிலாக விற்பனைக்கு கொண்டு வரப்பட உள்ளது. வடிவமைப்பிலும், வசதிகளிலும் சிறப்பானதாக இருக்கும் என்று எதிர்பார்க்கப்படுகிறது.

எஞ்சின் ஆப்ஷன்கள்

ஃபோர்டு ஈக்கோஸ்போர்ட் காரில் இருக்கும் 1.0 லிட்டர் பெட்ரோல் எஞ்சின் போன்றே, இந்த காரிலும் சுஸுகியின் புதிய 1.0 லிட்டர் பூஸ்டர்ஜெட் பெட்ரோல் எஞ்சின் பெரிதும் பேசப்படும் என்று எதிர்பார்க்கப்படுகிறது. இதுதவிர, ஸ்விஃப்ட், டிசையர் கார்களில் பயன்படுத்தப்படும் 1.2 லிட்டர் பெட்ரோல் எஞ்சின் மற்றும் 1.3 லிட்டர் டீசல் எஞ்சின் ஆப்ஷன்களில் கிடைக்கும்.

எதிர்பார்க்கும் விலை

மாருதி பெலெனோ காரின் பேஸ் மாடல் ரூ.7 லட்சம் முதல் ரூ.7.50 லட்சம் ஆரம்ப விலையில் அறிமுகம் செய்யப்படும் என்று தகவல்கள் தெரிவிக்கின்றன.

அறிமுகம்

வரும் 15ந் தேதி பிராங்க்ஃபர்ட் ஆட்டோ ஷோவில் சுஸுகி பெலெனோ அறிமுகம் செய்யப்படுகிறது. இதைத்தொடர்ந்து, அடுத்த ஆண்டு பிப்ரவரியில் நடைபெற இருக்கும் டெல்லி ஆட்டோ எக்ஸ்போ வாயிலாக இந்த புதிய காரை மாருதி விற்பனைக்கு அறிமுகம் செய்யும் என்று எதிர்பார்க்கப்படுகிறது.

போட்டி

ஹூண்டாய் எலைட் ஐ20 காருக்கும், ஹோண்டா ஜாஸ் காருக்கும் நேரடி போட்டியாக இருக்கும்.