பென்ட்லீ பென்டைகாவுக்கு போட்டியாக புதிய மெர்சிடிஸ்- மேபக் எஸ்யூவி!

பென்ட்லீ பென்டைகா, ரேஞ்ச்ரோவர் லாங் வீல் பேஸ் ஆடம்பர எஸ்யூவி மாடல்களுக்கு போட்டியாக உயர்வகை எஸ்யூவி மாடல் ஒன்று மெர்சிடிஸ் - மேபக் பிராண்டில் தயாராகிறது.

போர்ஷே கேயென் எஸ்யூவியின் டாப் மாடலுக்கு இணையான அம்சங்களை இந்த புதிய சொகுசு எஸ்யூவி கொண்டதாக வர இருப்பது அனைவரின் கவனத்தை திசை திருப்பியிருக்கிறது.

சீனா மற்றும் வளைகுடா நாடுகளை முக்கிய வர்த்தக இலக்காக கொண்டு இந்த புதிய மாடலை மெர்சிடிஸ் -மேபக் பிராண்டு தயாரித்து வருகிறது.

மெர்சிடிஸ் -மேபக் 600 சொகுசு காரைத் தொடர்ந்து மெர்சிடிஸ் - மேபக் பிராண்டில் வெளியிடப்பட இருக்கும் இரண்டாவது மாடல் இது என்பதும் குறிப்பிடத்தக்கது.