இந்தியாவில் மினி கூப்பர் காரின் பெட்ரோல் மாடல் விற்பனைக்கு வந்தது!

பிளாட்ஃபார்ம்

மினி கார் நிறுவனத்தின் தாய் நிறுவனமான பிஎம்டபிள்யூ நிறுவனத்தின் 1 சீரிஸ் கார் தயாரிக்கப்பட்ட அதே UKL பிளாட்ஃபார்மில்தான் இந்த புதிய மினி கூப்பர் மாடலும் உருவாக்கப்பட்டிருக்கிறது. முன்புற, பின்புற சஸ்பென்ஷன் அமைப்பு மேம்படுத்தப்பட்டு வந்துள்ளது.

வடிவம்

புதிய மினி கூப்பர் கார் 3,821 மிமீ நீளம், 1,414 மிமீ உயரம், 1,727 மிமீ அகலம் கொண்டதாக வடிவமைக்கப்பட்டிருக்கிறது. இந்த கார் 2,495 மிமீ வீல் பேஸ் உடையது.

3 டோர் மாடல்

கடந்த ஆண்டு மினி கூப்பர் காரின் டீசல் மாடல் 3 டோர் மற்றும் 5 டோர் கொண்டதாக அறிமுகம் செய்யப்பட்டுவிட்டது. இந்த நிலையில், பெட்ரோல் மாடல் 3 டோர் மாடலில் மட்டுமே அறிமுகம் செய்யப்பட்டுள்ளது.

எஞ்சின்

இந்த காரில் 192 பிஎச்பி பவரையும், 280 என்எம் டார்க்கையும் வழங்கும் 2.0 லிட்டர் பெட்ரோல் எஞ்சின் உள்ளது. 6 ஸ்பீடு ஆட்டோமேட்டிக் கியர்பாக்ஸ் கொண்டதாக வந்துள்ளது.

மைலேஜ்

லிட்டருக்கு 18.2 கிமீ மைலேஜை தரும் என்று மினி கார் நிறுவனம் தெரிவித்துள்ளது.

விலை

புதிய மினி கூப்பர் எஸ் கார் ரூ.34.65 லட்சம் எக்ஸ்ஷோரூம் விலையில் இந்த புதிய கார் விற்பனைக்கு கிடைக்கும்.