ஏப்ரல் 23ல் விற்பனைக்கு வருகிறது புதிய ஆடி டிடி கார்!

புதிய பிளாட்ஃபார்ம்

ஆடி நிறுவனத்தின் தாய் நிறுவனமான ஃபோக்ஸ்வேகன் குழுமத்தின் புதிய MQB பிளாட்ஃபார்மில் இந்த மூன்றாம் தலைமுறை ஆடி டிடி கார் வடிவமைக்கப்பட்டுள்ளது. தற்போது விற்பனையில் இருக்கும் மாடலைவிட இந்த புதிய மாடலின் எடை 50 கிலோ வரை குறைக்கப்பட்டுள்ளது.

மாற்றங்கள்

எல்இடி ஹெட்லைட்டுகள் மற்றும் டெயில்லைட்டுகள், எல்இடி மீட்டர் கன்சோல், தட்டையான அடிப்பாகம் கொண்ட ஸ்போர்ட்டியான ஸ்டீயரிங் வீல், பேடில் ஷிப்ட் வசதியுடன் புதிய ஆடி டிடி கார் வருகிறது. இந்த காரின் இன்டிரியர் மிகச்சிறப்பாக மாற்றியமைக்கப்பட்டிருக்கிறது.

எஞ்சின்

இந்தியாவில் புதிய ஆடி டிடி கார் 45 TFSI க்வாட்ரோ என்ற ஒரேயொரு எஞ்சின் ஆப்ஷனில் மட்டுமே கிடைக்கும். இந்த காரில் இருக்கும் 2.0 லிட்டர் பெட்ரோல் எஞ்சின் 230 எச்பி பவரையும், 370 என்எம் டார்க்கையும் வெளிப்படுத்தும். தற்போதைய மாடலைவிட இந்த புதிய மாடலின் எஞ்சின் 19 எச்பி பவரையும், 20 என்எம் டார்க்கையும் கூடுதலாக வெளிப்படுத்தும் திறன் கொண்டது.

செயல்திறன்

இந்த காரில் எஸ் ட்ரோனிக் ஆட்டோமேட்டிக் கியர்பாக்ஸ் பொருத்தப்பட்டு இருக்கிறது. 0 -100 கிமீ வேகத்தை 5.3 வினாடிகளில் எட்டிவிடும். மணிக்கு அதிகபட்சமாக 245 கிமீ வேகம் வரை செல்லக்கூடிய திறன் கொண்டது. மேம்படுத்தப்பட்ட எஞ்சின் தவிர்த்து, வெளிப்புறத்திலும், உட்புறத்திலும் டிசைன் மாற்றங்கள் மற்றும் கூடுதல் சிறப்பம்சங்களுடன் வருகிறது.

எதிர்பார்க்கும் விலை

ரூ.55 லட்சம் ஆரம்ப விலையில் இந்த புதிய ஆடி டிடி கார் இந்தியாவில் விற்பனைக்கு அறிமுகம் செய்யப்படும் என்று எதிர்பார்க்கப்படுகிறது. இந்த புதிய கார் இறக்குமதி செய்து இந்தியாவில் விற்பனை செய்யப்படும்.

போட்டியாளர்கள்

பிஎம்டபிள்யூ இசட்4 மற்றும் மெர்சிடிஸ் பென்ஸ் எஸ்எல்கே கார்களுக்கு இது நேரடி போட்டியாக இருக்கும்.