இதுதாங்க ரோல்ஸ்ராய்ஸின் புது கார்.. டிசைன் எப்படியிருக்கு?

அடிப்படை மாடல்

1952 ரோல்ஸ்ராய்ஸ் சில்வர் டான் மாடலின் டிசைன் அம்சங்கள் மற்றும் பெயருடன் இந்த புதிய ரோல்ஸ்ராய்ஸ் டான் கார் வர இருக்கிறது. இந்த கார் 1949 முதல் 1954 வரை தயாரிக்கப்பட்டது. மொத்தமே 28 கார்கள் மட்டுமே தயாரிக்கப்பட்டன.

Photo credit: Wiki Commons/Charles01

டிசைன்

பழைய மாடலின் டிசைன் தாத்பரியத்தில் பல நவீன வசதிகளை புகுத்தி இந்த கன்வெர்ட்டிபிள் ரக மாடலை வடிவமைத்துள்ளனர். எனவே, இது ஒரு மிகவும் பிரத்யேகமான ரோல்ஸ்ராய்ஸ் கார் மாடலாக இருக்கும் என்பதில் ஐயமில்லை.

புதிய மாடலின் எஞ்சின்

இந்த புதிய காரில் 6.6 லிட்டர் வி12 எஞ்சின் ட்வின் டர்போசார்ஜ்டு பெட்ரோல் எஞ்சின் பொருத்தப்பட்டிருக்கும். இந்த எஞ்சின் அதிகபட்சமாக 624 எச்பி பவரையும், 800 என்எம் டார்க்கையும் வழங்கும். செயற்கைகோள் உதவியுடன் இயங்கும் 8 ஸ்பீடு ஆட்டோமேட்டிக் கியர்பாக்ஸை கொண்டிருக்கும்.

விலை

இந்த புதிய ரோல்ஸ்ராய்ஸ் கார் 2.50 லட்சம் பவுண்ட் விலையில் விற்பனைக்கு வர இருக்கிறது. அடுத்த ஆண்டு விற்பனைக்கு கொண்டு வரப்பட உள்ளது.