டாடா ஸீக்கா காரின் அதிகாரப்பூர்வ படங்கள் வெளியானது

புது டிசைன்

வழக்கமான டாடா ஹேட்ச்பேக் கார்களிலிருந்து முற்றிலும் வேறுபட்ட டிசைன் அமைப்பில் வருகிறது. பட்ஜெட் விலை மாடல்களில் மிகச்சிறப்பான டிசைன் கொண்ட மாடலாக கூற முடியும்.

கூட்டு முயற்சி

புனே, இத்தாலியிலுள்ள டூரின் மற்றும் இங்கிலாந்திலுள்ள கோவென்ட்ரியிலுள்ள டாடா மோட்டார்ஸ் டிசைன் ஸ்டூடியோக்கள் இணைந்து இந்த காரை வடிவமைத்து இருக்கின்றன.

பிளாட்ஃபார்ம்

டாடா மோட்டார்ஸ் நிறுவனத்தின் மேம்படுத்தப்பட்ட XO பிளாட்ஃபார்மில் இந்த புதிய கார் உருவாக்கப்பட்டிருக்கிறது. டாடா இண்டிகா இவி2 காருக்கு மாற்றாக விற்பனைக்கு கொண்டு வரப்பட உள்ளது.

எஞ்சின் ஆப்ஷன்

1.2 லிட்டர் பெட்ரோல் மற்றும் 1.05 லிட்டர் டீசல் எஞ்சின் ஆப்ஷன்களில் வருகிறது. டாடா ஸெஸ்ட், போல்ட் கார்களில் பயன்படுத்தப்பட்ட அதே 1.2 லிட்டர் பெட்ரோல் எஞ்சின்தான் இந்த காரிலும் இடம்பெற்றிருக்கிறது. அதேநேரத்தில், புதிய டீசல் எஞ்சின் இடம்பெற்றிருக்கிறது.

கியர்பாக்ஸ்

முதலில் 5 ஸ்பீடு கியர்பாக்ஸ் கொண்டதாக வருகிறது. பின்னர் ஏஎம்டி கியர்பாக்ஸ் கொண்ட மாடலும் அறிமுகம் செய்ய டாடா மோட்டார்ஸ் திட்டமிட்டு இருக்கிறது.

எதிர்பார்க்கும் விலை

ரூ.3.5 லட்சம் முதல் ரூ.4 லட்சத்திற்குள் ஆரம்ப விலை கொண்ட மாடலாக டாடா ஸீக்கா விற்பனைக்கு கொண்டு வரப்பட இருக்கிறது.

போட்டி

மாருதி ஆல்ட்டோ கே10, ஹூண்டாய் ஐ10 உள்ளிட்ட கார் மாடல்களுடன் இந்த புதிய டாடா ஸீக்கா போட்டி போடும். குறிப்பாக, குறைவான விலை கொண்ட டீசல் கார்களில் இந்த காருக்கு முக்கிய இடம் கிடைக்கும் வாய்ப்புள்ளது.