வருண் தவானின் கேரேஜில் சேர்ந்த புதிய மஹிந்திரா கேயூவி100

பிராண்ட் அம்பாஸிடர்;

பாலிவுட்டில் முன்னோடி நடிகர்களில் ஒருவான வருண் தவான் தான், மஹிந்திரா அன்ட் மஹிந்திரா நிறுவனம் தயாரிக்கும் கேயூவி100 எஸ்யூவிக்கு பிராண்ட் அம்பாஸிடராக உள்ளார். அறிமுக காலம் முதல் டிவி விளம்பரங்களிலும், அச்சு விளம்பரங்களிலும் இவர் பங்குபெற்ற விளம்பரங்கள் தோன்றி வருகிறது.

'ஸ்டூடண்ட் ஆஃப் த இயர்' என்ற திரைப்படத்தில் அறிமுகமான வருண் தவான், 'மைன் தேரா ஹீரோ', 'தில்வாலே', 'பத்லாப்பூர்' மற்றும் 'டிஷூம்' உள்ளிட்ட ஏராளமான படங்களில் நடித்துள்ளார்.

வருண் தவான் பெற்ற கேயூவி100;

தங்களின் பிராண்ட் அம்பாஸிடரான பாலிவுட் நடிகர் வருண் தவானிற்கு, மஹிந்திரா அன்ட் மஹிந்திரா நிறுவனம், பிரைட் ஆரஞ்ச் நிறத்திலான கேயூவி100 எஸ்யூவி காரை அன்பளிப்பாக வழங்கியுள்ளது.

சரியான தேர்வு;

யங்க் எஸ்யூவி என பிரபலப்படுத்தப்படும் மஹிந்திரா கேயூவி100, காம்பேக்ட் செடான் மற்றும் ஹேட்ச்பேக்கிற்கும் இடையிலான காரை நாடுபவர்களுக்கு, சரியான் தேர்வாக உள்ளது.

இஞ்ஜின்;

மஹிந்திரா கேயூவி100 எஸ்யூவி, 3-சிலிண்டர்கள் உடைய 1.2 லிட்டர் பெட்ரோல் இஞ்ஜின் மற்றும் 1.2 லிட்டர் டீசல் இஞ்ஜின் ஆகிய தேர்வுகளில் வெளியாகிறது.

கியர்பாக்ஸ்;

மஹிந்திரா கேயூவி100 எஸ்யூவியின் இரு இஞ்ஜின்களும், 5-ஸ்பீட் மேனுவல் கியர்பாக்ஸுடன் இணைக்கப்பட்டுள்ளது.

போட்டி;

மஹிந்திரா கேயூவி100 எஸ்யூவி, விரைவில் அறிமுகம் செய்யப்பட இருக்கும் டட்சன் கோ கிராஸ் மற்றும் செவர்லே பீட் ஆக்டிவ் ஆகிய மாடல்களுடன் போட்டி போட வேண்டியுள்ளது.

விலை;

மஹிந்திரா கேயூவி100 எஸ்யூவியின் பேஸ் வேரியன்ட், 4.59 லட்சம் ரூபாய் என்ற (எக்ஸ்-ஷோரூம் மும்பை) விலையில் விற்பனை செய்யப்படுகிறது.

மஹிந்திரா கேயூவி100 எஸ்யூவியின் ஃபுல்லி லோடட் எனப்படும் டாப் என்ட் வேரியன்ட், 7.15 லட்சம் ரூபாய் என்ற (எக்ஸ்-ஷோரூம் மும்பை) விலையில் விற்கப்படுகிறது.

இதர தொடர்புடைய செய்திகள்;

மஹிந்திரா கேயூவி 100 எஸ்யூவியின் வேரியண்ட்கள் - விரிவான தகவல்கள்

மஹிந்திரா கேயூவி100 மினி எஸ்யூவி - சிறப்புப் பார்வை

மஹிந்திரா கேயூவி100 காம்பேக்ட் எஸ்யூவி-க்கான காத்திருப்பு காலம் 2 மாதங்களாக உயர்வு...