2018 லேண்ட்ரோவர் டிஸ்கவரி ஸ்போர்ட் இந்தியாவில் விற்பனைக்கு அறிமுகம்!

புதிய லேண்ட்ரோவர் டிஸ்கவரி ஸ்போர்ட் எஸ்யூவி ப்யூர், எஸ்இ மற்றும் எச்எஸ்இ ஆகிய மூன்று வேரியண்ட்டுகளில் விற்பனைக்கு கிடைக்கும். இதில், எச்எஸ்இ வேரியண்ட் அதிசக்திவாய்ந்த மாடலாகவும், அதிக விலை கொண்டதாகவும் கிடைக்கிறது.

Recommended Video

Full Moon Causes Motorcycle Accidents, States New Study

புதிய லேண்ட்ரோவர் டிஸ்கவரி ஸ்போர்ட் எஸ்யூவியானது டீசல் எஞ்சின் ஆப்ஷனில் மட்டும் வந்துள்ளது. இந்த எஸ்யூவியின் 2.0 லிட்டர் டீசல் எஞ்சின் அதிகபட்சமாக 147 பிஎச்பி பவரையும், 382 என்எம் டார்க் திறனையும் வழங்கும். 9 ஸ்பீடு ஆட்டோமேட்டிக் கியர்பாக்ஸ் கொடுக்கப்பட்டு இருக்கிறது.

எச்எஸ்இ வேரியண்ட்டின் டீசல் எஞ்சின் அதிகபட்சமாக 177 பிஎச்பி பவரையும், 430 என்எம் டார்க் திறனையும் வழங்கும்.

புதிய லேண்ட்ரோவர் டிஸ்கவரி ஸ்போர்ட் எஸ்யூவியில் இன்கன்ட்ரோல் ப்ரோ கட்டுப்பாட்டு வசதியுடன் கூடிய இன்ஃபோடெயின்மென்ட் சிஸ்டம், சாட்நவ் நேவிகேஷன் சிஸ்டம் ஆகியவை உள்ளன. கம்மியூட் மோடில் தினசரி பயன்படுத்தும் சாலைகளை உணர்ந்து வழிகாட்டும் வசதியும் உள்ளது.

மேலும், இந்த எஸ்யூவியில் வைஃபை ஹாட் ஸ்பாட் மூலமாக இணைய வசதியை பெற முடியும். இதற்கு ஒரு சிம் கார்டு ஆக்டிவேட் செய்து விட்டால், தடையற்ற இன்டர்நெட் வசதியை பெற முடியும். ஒரே நேரத்தில் 8 பயனர்கள் இன்டர்நெட் பயன்படுத்த முடியும்.

பெட்ரோல் மாடலில் வராதது ஏமாற்றம்தான். ஆனால், அனேக வாடிக்கையாளர்கள் டீசல் மாடலை தேர்வு செய்ததால், இந்த முடிவை லேண்ட்ரோவர் நிறுவனம் எடுத்து இருப்பதாக தெரிகிறது.