ஜிஎஸ்டி கவுன்சில் அறிவிப்பின் படி கார்களுக்கான புதிய ஜிஎஸ்டி வரி இன்று முதல் நடைமுறைக்கு வந்தன..!!

பெட்ரோல் எஞ்சின் கொண்ட கார்களில் 1200சிசி வரை திறன் பெற்ற மாடல்களுக்கும், டீசல் எஞ்சின் கொண்ட கார்களில் 1500சிசி வரை திறன் பெற்ற மாடல்களுக்கும், ஜிஎஸ்டி கவுன்சில் முன்னர் நிர்ணயித்த 43 சதவீத வரிவிதிப்பில் (28 சதவீத ஜிஎஸ்டி + 15 சதவீத செஸ்) எந்தவித மாற்றமும் இல்லை.

தற்போது நடைமுறைப்படுத்தப்பட்டுள்ள புதிய ஜிஎஸ்டி-யின் மூலம் நடுத்தர ரக வாகனங்கள் 45 சதவீத வரிவிதிப்பை பெறுகின்றன (28 சதவீத ஜிஎஸ்டி + 17 சதவீத செஸ்).

இதற்கான பரிந்துரையின் கீழ் ஆடம்பரக் கார்களுக்கும் மற்றும் எஸ்.யூ.வி கார்களுக்கும் வேவ்வேறு விதமான ஜிஎஸ்டி வரி விதிப்பு கொண்டுவரப்பட்டுள்ளது.

Recommended Video

Tata Nexon Review: Specs

அதன்படி, ஆடம்பர கார்கள் புதிய ஜிஎஸ்டி-யின் கீழ் 48 சதவீத வரி விதிப்பை பெறுகின்றன (20 சதவீத செஸ் + 28 சதவீத ஜிஎஸ்டி).

எஸ்யூவி ரக கார்கள் புதிய ஜிஎஸ்டி வரி வதிப்பின் கீழ், 50 சதவீத வரியை எட்டுகின்றன. (50 சதவீத ஜிஎஸ்டி + 22 சதவீத செஸ்)

இதன்மூலம் நடுத்தர ரக வாகனங்கள் புதிய ஜிஎஸ்டி-க்கு கீழ் 2 சதவீத விலை அதிகரிப்பை பெற்றுள்ளன. ஆடம்பர கார்கள் 5 சதவீதமும், எஸ்யூவி ரக கார்கள் 7 சதவீத அளவில் விலை ஏற்றம் பெற்றுள்ளன.

பல தரப்பட்ட பேச்சு வார்த்தைக்கு பிறகு ஜிஎஸ்டி கவுன்சில் நிர்ணயத்துள்ள இந்த புதிய விலை விவரங்கள் இன்று முதல் நடைமுறைக்கு வருவது குறிப்பிடத்தக்கது.

ஜிஎஸ்டி கவுன்சில் அறிவிப்பின் படி வாகனங்களுக்கான புதிய விலை பட்டியல்

பெரும் விற்பனை திறனை பெற்றுள்ள நடுத்தர ரக கார்கள் முந்தைய வரி விதிப்பில் 46.60% பெற்றிருந்தது. தற்போது ஜிஎஸ்டி-க்கு பிறகு நடுத்தர ரக கார்கள் 45% வரி விதிப்பை பெறுகின்றன.

இதேபோல எஸ்யூவி கார்கள் ஜிஎஸ்டி-க்கு முன் 55.30% வரி விதிப்பை பெற்றன. தற்போது ஜிஎஸ்டி-க்கு கீழ் 50% வரி மதிப்பை மட்டுமே பெறுகிறது.

ஜிஎஸ்டி-க்கு பிறகு வாகனங்களின் மதிப்பு உயரும் என்று கருதியவர்களுக்கு, ஜிஎஸ்டி அமலாக்கப்பட்ட பிறகு பெரும்பாலான வாகன ரகங்கள் குறைந்த விலை மதிப்பையே பெற்றன.

தற்போது ஜிஎஸ்டி வரியில் அதற்கான கவுன்சில் மேற்கொள்ளப்பட்டுள்ள புதிய மாற்றங்களால் ஜிஎஸ்டி-க்கு முன்பு அமலில் இருந்த வரியை விட, வாகனங்களின் விலை குறைந்திருப்பது மேலும் தொடர்கிறது.