இந்தியாவில் செடான் மாடல் கார்களில் 7 லட்சம் யுனிட் கடந்து விற்பனையான ஹோண்டா சிட்டி..!!

வெளியான ஆண்டு முதல் தற்போது வரை சிட்டி கார் ஏழு லட்சம் எண்ணிக்கைகளை கடந்து விற்பனை ஆகியுள்ளதாக ஹோண்டா தெரிவித்துள்ளது.

பல தலைமுறைகள் கடந்த சமீப வெர்ஷனாக சிட்டி காரில் வெளியான புதிய தலைமுறை மாடலும், ஏகோபித்த வரவேற்பை இந்திய வாடிக்கையாளர்களிடம் பெற்று வருகிறது.

Recommended Video

[Tamil] Honda CBR 650F Launched In India - DriveSpark

சர்வதெச அளவில் ஹோண்டா சிட்டி கார் விற்பனை ஆகும் அளவுடன் இந்திய விற்பனையை ஒப்பிட்டு பார்த்தால் அது 25 சதவீதமாக இருக்கிறது.

செடான் மாடல் கார்களிலே அதிக விற்பனை திறனை பெற்ற மாடலாக ஹோண்டா சிட்டி இருந்தாலும்,

ஏழு லட்சம் விற்பனையை கடந்த முதல் ப்ரீமியம் செடான் என்ற பெருமையையும் சிட்டி கார் படைத்துள்ளது.

சிட்டி கார் சந்தையில் அறிமுகமான போது, அதற்கு போட்டியே இல்லை என்று சொல்லிவிட முடியாது. வாடிக்கையாளர்கள் மனநிலைக்கு ஏற்றவாறான பலவித அம்சங்கள் இந்த காரில் இருப்பது தான், இதனுடைய மிகப்பெரிய வெற்றி.

வாடிக்கையாளர்கள் அளித்த தொடர் வரவேற்பின் காரணமாகவே ஹோண்டா செடான் சிட்டி கார் இத்தகைய சாதனையை பெற்றுள்ளதாக ஹோன்டா கார்ஸ் இந்திய தலைமை செயல் அதிகாரி யோச்சிரோ யுனோ தெரிவித்தார்.

ஸ்போர்ட்ஸ் தோற்றம், மேம்படுத்தப்பட்ட வசதிகள், முக்கிய பாதுகாப்பு அம்சங்கள், அதிக செயல்திறன், மைலேஜ் என வாடிக்கையாளர்களுன் தேர்வுகளுக்கு ஏற்ற அனைத்து வித கட்டமைப்பையும் இந்த கார் பெற்றிருப்பது குறிப்பிடத்தக்கது.

துவக்க நிலையில் இருந்தே இந்த காருடைய விற்பனை உச்சத்தில் இருந்தாலும், உலகளவில் இந்தியாவில் 25 சதவீத விற்பனை பெற்றிருக்கிறது என்றால் அதற்கு சிட்டி மாடலிலுள்ள தனித்துவமான கட்டமைப்புகள் தான் காரணம்.

இந்தியாவில் மட்டுமின்றி பல சர்வதேச நாடுகளிலும் சிட்டி காரின் விற்பனை தொடர்ந்து வரவேற்பில் தான் உள்ளது.

மெலும் புதிய தலைமுறைக்கான சிட்டி கார் சுமார் 36 லட்சம் அளவுகளில் விற்பனை ஆகியுள்ளதாக ஹோண்டா கூறியுள்ளது.

பெட்ரோல் மற்றும் டீசல் என இருவேறு தேர்வுகளிலும் வரும் சிட்டி கார், எஞ்சின் தேவைகளில் மேனுவல் டிரான்ஸ்மிஷன் கியர்பாக்ஸ் அமைப்பை பெற்றுள்ளது.

மேலும் மேம்படுத்தப்பட்ட பெட்ரோல் தேர்வுகளில் வரும் சிட்டி காரின் வேரியண்ட் சிவிடி கியர்பாக்ஸில் கிடைக்கிறது.

புதிய தொழில்நுட்பத்தால் ஆன 17.7 செ.மீ தொடுதிரை கொண்ட இன்ஃபொடெயின்மன்ட் சிஸ்டம், ப்ளூடூத், ஸ்டீரிட் மவுன்டெட் ஆடியோ,

ஹேண்ட்ஸ்ஃப்ரீ, கீலெஸ் எண்ட்ரி, எலெக்ட்ரின் சன்ரூஃப் போன்ற தொழில்நுட்ப அம்சங்களை சிட்டி கார் பெற்றுள்ளது.

பாதுகாப்பிற்கான தேவைகளில் ஏபிஎஸ், இபிடி, ஏர்பேகுகள், க்ரூஸ் கண்ட்ரோல், பார்க்கிங் சென்சார், ரிவெர்ஸ் கேமரா 16-இஞ்ச் டைமண்ட் அலாய் சக்கரங்கள், தானியங்கி குளிர்சாதன கருவி உள்ளிட்ட பாதுகாப்பு அம்சங்கள் இந்த காரில் இடம்பெற்றுள்ளன.