Just In
- 3 hrs ago அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- 4 hrs ago இந்தியாவிலேயே இப்படி ஒரு இடம் கிடையாது! 15 மாடி கார் பார்க்கிங் ரெடி!
- 6 hrs ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 12 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
Don't Miss!
- News சனாதன ஒழிப்பு, மத வெறுப்பு, கோயில்கள் இடிப்பு வேண்டாமே! முதல்வர் ஸ்டாலினுக்கு இந்து முன்னணி கோரிக்கை
- Lifestyle திருப்பதிக்கு செல்லும் பக்தர்களுக்கு ஹப்பி நியூஸ்.. ஐஆர்சிடிசி அறிவித்த டூர் பேக்கேஜ்.. இதோ முழு விவரம்..!
- Movies மொத்தத்துக்கும் வேட்டு வைத்த டாப் நடிகர்.. தலைகாட்ட முடியாமல் தவிக்கும் டைரக்டர்.. ரொம்ப பாவம்!
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
எந்தெந்த ரக கார்களுக்கு எவ்வளவு ஜிஎஸ்டி வரி: முழு விபரம்!
கார்களுக்கான ஜிஎஸ்டி வரி விதிப்பு குறித்த விரிவானத் தகவல்களை இந்த செய்தியில் காணலாம்.
வரும் 1ந் தேதி ஜிஎஸ்டி வரி அமலுக்கு கொண்டு வரப்பட நிலையில், பல்வேறு குழப்பங்கள் நிலவுகின்றன. வாகனங்கள் மீதான ஜிஎஸ்டி வரி குறித்தும் பல குழப்பங்கள் நிலவி வருகின்றன. இந்த நிலையில், எந்தெந்த ரக கார்களுக்கு எவ்வளவு ஜிஎஸ்டி வரி விதிக்கப்பட உள்ளது என்பதை இந்த செய்தியில் காணலாம்.
ஜிஎஸ்டி வரி விதிப்பு முறையால், ஹைப்ரிட் கார்களின் விலை அதிகரிக்கும் என தெரிய வந்துள்ளது. சிறிய வகை கார்களின் விலையில் அதிக மாற்றங்கள் இருக்காது. எஸ்யூவி உள்ளிட்ட பெரிய வகை வாகனங்களின் விலை குறையும். இதனை சற்று விரிவாக தொடர்ந்து பார்க்கலாம்.
மாருதி ஆல்ட்டோ, ஹூண்டாய் க்ராண்ட் ஐ10 உள்ளிட்ட 4 மீட்டர் நீளத்திற்கும் குறைவான 1,200சிசி திறனுக்கும் குறைவான பெட்ரோல் எஞ்சின் பொருத்தப்பட்ட கார்களுக்கு தற்போது 31.5 சதவீதம் வரி விதிக்கப்படுகிறது. அதுவே ஜிஎஸ்டி வரி விதிப்பு முறையில் 28 சதவீத ஜிஎஸ்டி வரியும், ஒரு சதவீதம் கூடுதல் வரியும் விதிக்கப்பட உள்ளது. இதனால், 29 சதவீத வரி விதிக்கப்படும்.
மாருதி ஸ்விஃப்ட், ஹூண்டாய் எலைட் ஐ20 உள்ளிட்ட 4 மீட்டருக்கும் குறைவான நீளம் கொண்ட 1.5 லிட்டர் திறனுக்கும் குறைவான டீசல் எஞ்சின் பொருத்தப்பட்ட சிறிய வகை கார்களுக்கு தற்போது 33.25 சதவீத வரி விதிப்பு தற்போது நடைமுறையில் உள்ளது. அதுவே ஜிஎஸ்டி வரி விதிப்பு முறைக்கு பின்னர் 28 சதவீத ஜிஎஸ்டி வரியும் 3 சதவீத கூடுதல் வரியும் விதிக்கப்படும். இதனால், 31 சதவீதம் வரிவிதிப்பு நடைமுறைக்கு வர இருக்கிறது.
4 மீட்டருக்கும் குறைவான நீளமும் 1.5 லிட்டர் திறனுக்கும் குறைவான பெட்ரோல் எஞ்சின் பொருத்தப்பட்ட ஃபோர்டு ஈக்கோஸ்போர்ட் போன்ற மாடல்களுக்கு தற்போது 44.7 சதவீத வரி விதிப்பு நடைமுறையில் உள்ளது.
இனி 28 சதவீத ஜிஎஸ்டி வரியும், 15 சதவீத கூடுதல் வரியும் விதிக்கப்படும். இதனால், இந்த வகை கார்களுக்கு இனி 43 சதவீத வரி விதிப்பு அமலுக்கு வருகிறது. தற்போதைய வரியைவிட 1.7 சதவீதம் வரி குறையும்.
4 மீட்டருக்கும் கூடுதல் நீளத்துடன் 1.2 லிட்டர் பெட்ரோல் எஞ்சின் அல்லது 1.5 லிட்டர் திறனுக்கும் மேற்பட்ட எஞ்சின் பொருத்தப்பட்ட கார்களுக்கு தற்போது 51.6 சதவீத வரி விதிக்கப்படுகிறது.
அதுவே இனி 28 சதவீத ஜிஎஸ்டி வரியுடன், 15 சதவீத செஸ் விதிக்கப்படும். இதனால், இந்த வகை கார்களுக்கு 43 சதவீத வரி விதிப்பு முறை அமலுக்கு வருகிறது. அதாவது, தற்போதைய முறையைவிட இந்த கார்களுக்கான வரி 8.6 சதவீதம் குறையும்.
எஸ்யூவி வகை கார்களுக்கு தற்போது 55 சதவீத வரி விதிக்கப்படுகிறது. ஆனால், இனி 28 சதவீத ஜிஎஸ்டி வரியுடன் கூடுதலாத 15 சதவீத வரி விதிக்கப்படும். இதனால், இந்த கார்களுக்கான வரி 12 சதவீதம் குறையும். இதனால், விலையிலும் அதிக அளவு குறையும் வாய்ப்பு இருக்கிறது.
பெட்ரோல் எஞ்சின் மற்றும் மின் மோட்டார்கள் என இரட்டை ஆற்றல் மையங்களை கொண்ட ஹைப்ரிட் வகை கார்களுக்கு தற்போது 30.3 சதவீதம் வரி விதிக்கப்படுகிறது.
இனி 28 சதவீத ஜிஎஸ்டி வரியும், 15 சதவீத கூடுதல் வரியும் விதிக்கப்பட உள்ளது. இதனால், 43 சதவீதமாக உயருகிறது. இந்த வகை கார்களுக்கான வரி விதிப்பு 13.3 சதவீதம் கூடுதலாகிறது. இதனால், ஹைப்ரிட் கார்களின் விலை அதிகரிக்கும்.
மின்சார கார்களுக்கு தற்போது 20.5 சதவீதம் வரி விதிக்கப்பட்டு வருகிறது. இனி மின்சார கார்களுக்கு 12 சதவீத ஜிஎஸ்டி வரி விதிக்கப்படும் என்று தெரிவிக்கப்பட்டுள்ளது. எனவே, மின்சார கார்களுக்கான வரி 7.5 சதவீதம் குறையும்.
அதேநேரத்தில், அரசு அறிவித்துள்ள ஜிஎஸ்டி வரி மூலமாக கிடைக்கும் பலன்களை வாடிக்கையாளர்களுக்கு கார் நிறுவனங்கள் முழுமையாக வழங்குமா என்பது இதுவரை தெரியவில்லை. சில நிறுவனங்கள் மட்டுமே ஜிஎஸ்டி வரியால் கிடைக்கும் பலன்களை வாடிக்கையாளர்களுக்கு வழங்குவதாக தெரிவித்துள்ளன. எனவே, கார் டீலர்களில் தீர விசாரித்த பின்னர், கார் முன்பதிவு செய்வது அவசியம்.
தகவல் உதவி: ஆட்டோகார் இந்தியா