580 கிமீ தூரம் பயணிக்கும் ஹூண்டாய் நிறுவனத்தின் புதிய மின்சார கார்!

கடந்த மார்ச் மாதம் ஜெனிவா மோட்டார் ஷோவில் காட்சிக்கு வைக்கப்பட்டிருந்த எஃப்இ ஃப்யூவல் செல் கான்செப்ட் கார் மாடலை அடிப்படையாகக் கொண்டு இந்த புதிய மின்சார எஸ்யூவி உருவாக்கப்பட்டு இருக்கிறது.

இந்த எஸ்யூவியில் இருக்கும் மின் மோட்டார் 163 பிஎச்பி பவரையும், 400 என்எம் டார்க் திறனையும் வழங்க வல்லதாக இருக்கும். இந்த எஸ்யூவி மிகுந்த திறன் வாய்ந்ததாக இருக்கும் என்றும் ஹூண்டாய் கூறி இருக்கிறது.

Recommended Video

2018 Hyundai Verna Indian Model Unveiled | In Tamil - DriveSpark தமிழ்

இந்த எஸ்யூவியில் ஒருமுறை ஹைட்ரஜன் எரிபொருளை நிரப்பினால், அதிகபட்சமாக 580 கிமீ தூரம் வரை பயணிக்க முடியும் என்று ஹூண்டாய் தெரிவிக்கிறது. இதற்காக மூன்று ஹைட்ரஜன் எரிபொருள் கொள்கலன்கள் இந்த எஸ்யூவியில் பொருத்தப்பட்டு இருக்கிறது.

ஹூண்டாய் கோனா எஸ்யூவியின் டிசைன் தாத்பரியங்களுடன் இந்த புதிய மின்சார எஸ்யூவி மாடல் வடிவமைக்கப்பட்டு இருக்கிறது. ஹூண்டாய் நிறுவனத்தின் புதிய டிசைன் தாத்பரிய கொள்கைகளின் கீழ் இந்த எஸ்யூவி உருவாக்கப்பட்டு இருக்கிறது.

மெல்லிய ஹெட்லைட்டுகள், பகல் நேர விளக்குகள் என புதிய பரிமாணத்தில் ஹூண்டாய் கார்களை கொண்டு செல்வதற்கான ஆரம்ப புள்ளியாக இந்த காரின் டிசைனை கூறலாம். உட்புறமும் மிக எளிமையான வடிவமைப்பை பெற்றிருப்பதுடன், நவீன தொழில்நுட்ப விஷயங்கள் ஏராளமாக இடம்பெற்றிருக்கிறது.

ஹூண்டாய் டூஸான் ஃப்யூவல் செல் மின்சார எஸ்யூவி காருக்கு மாற்றாக இந்த புதிய எஃப்இ ஃப்யூவல் செல் மின்சார எஸ்யூவி விற்பனைக்கு அறிமுகம் செய்யப்பட உள்ளது. இந்த கார் டெஸ்லா கார்களுக்கு போட்டியாக அமையும் என்று இப்போதே ஆருடங்கள் தொடங்கிவிட்டன.