12 பயணிகளுடன் சென்ற தானியங்கி வேன் லாரி உடன் நேருக்கு நேர் மோதல்....!! (வீடியோ)

நுண்ணறிவு திறனில்லை என்றாலும், தானியங்கி முறையால் இயங்கும் வேன் ஒரு விபத்தில் சிக்கி ஆட்டோ உலகை அதிர்ச்சியடைய செய்துள்ளது.

ஓட்டுநர் இல்லாமல் இயங்கும் கார் உள்ளிட்ட வாகனங்கள் பலவற்றை பல்வேறு நிறுவனங்கள் தயாரித்து வருகின்றன. அதற்குரிய செய்திகளை நாம் தொடர்ந்து பார்த்து வருகிறோம்.

எப்போது வேண்டுமானாலும் இவை பயன்பாட்டிற்கு வரக்கூடிய நிலையில் தான் உள்ளன. அதற்கான சோதனை பெருமளவில் அமெரிக்காவில் நடைபெற்று வருகின்றன.

அந்தந்த மாகாணங்களில் இருக்கும் ஊர்களில் தானியங்கி வாகனங்கள் சோதனையில் இறங்க அமெரிக்க அரசு அனுமதி அளித்துள்ளது.

இதன்படி லாஸ்வேகஸின் பரபரப்பான சாலை ஒன்றில் 12 பயணிகளுடன் சென்றுக்கொண்டு இருந்த தானியங்கி வேன் விபத்தில் சிக்கியுள்ளது.

Trending On Drivespark:

சோதனை முறை ஓட்டத்தில் இந்த விபத்து நடந்திருப்பது ஆட்டோ உலகையே அதிர்ச்சி அடைய செய்துள்ளது.

விபத்தில் சிக்கிய வேன் ஃபிரான்ஸ் நாட்டை சேர்ந்த நவ்யா என்ற நிறுவனத்திற்கு சொந்தமானது என தெரியவந்துள்ளது.

Recommended Video

[Tamil] Tata Tiago XTA AMT Variant Launched In India - DriveSpark

சோதனை தொடங்கி ஒரு மணி நேரமாக சரியாக இயங்கி வந்த இந்த பேருந்து, திடீரென சாலையில் வந்துக்கொண்டு இருந்த லாரியின் மீது மோதிவிட்டது.

இதனால் வேனின் பக்கவாட்டில் பெரிய பாதிப்பு உள்ளது. குறைவான வேகத்தில் வேன் லாரி மீது மோதியதால் பெரியளவில் சேதம் மற்றும் பயணிகளுக்கு காயம் ஏற்படவில்லை.

தானியங்கி வேன் விபத்து பற்றி பேசிய நவ்யா நிறுவன அதிகாரிகள், லாரியை ஓட்டி வந்த ஓட்டுநர் மீதுதான் தவறு இருப்பதாக தெரிவித்துள்ளனர்.

சோதனை தொடங்கப்பட்ட முதல் நாளிலேயே வேன் விபத்தில் சிக்கி இருப்பது தானியங்கி வாகன தொழில்நுட்பத்தை பின்னிடைவை அடைய செய்துள்ளதாக சில நிறுவனங்கள் செய்தி வெளியிட்டுள்ளன.

12 பயணிகள் வரை பயணிக்கக்கூடிய திறன் பெற்ற இந்த வேன், மணிக்கு 45 கி.மீ வேகத்தில் செல்லகூடியது.

ஆனால் விபத்து நடந்த நேரத்தில் இது 25 கி.மீ வேகத்தில் தான் சாலைகளில் இயக்கப்பட்டு உள்ளது.

நவ்யா நிறுவனத்தின் தானியங்கி வேன் தொழில்நுட்பத்தை போலவே, கூகுள் நிறுவனமும் தானியங்கி வாடகை கார்களை இயக்க திட்டமிட்டு இருந்தது குறிப்பிடத்தக்கது.