மஹிந்திரா சுப்ரோ பிராண்டின் கீழ் 7 புதிய வாகனங்கள் அறிமுகம்

மஹிந்திரா நிறுவனத்தின் ‘சுப்ரோ' பிராண்டின் கீழ், சரக்கு வாகனங்கள் பிரிவில் 3 வாகனங்களும், பயணிகள் பிரிவில் 4 வாகனங்களும் புதிதாக அறிமுகம் ஆகியுள்ளன.

புதிதாக அறிமுகமாகியுள்ள மஹிந்திரா மினி வேன் ரூ. 4.71 லட்சம் ( கொல்கத்தா எக்ஸ் ஷோரூம்) விலையிலும், சுப்ரோ மேக்சி ட்ரக் ரூ. 4.28 லட்சம் ( கொல்கத்தா எக்ஸ் ஷோரூம்) என்ற விலையிலும் கிடைக்கும். இரண்டு மாடல்களும் 909 சிசி டீசல் எஞ்சினுடன் வருகின்றது.

மஹிந்திரா மினி வேன் விஎக்ஸ், சிஎன்ஜி மற்றும் பள்ளி வேன் என்ற 3 வேரியண்டுகளில் கிடைக்கின்றது. மேக்சி மற்றும் மினி வேன் ஆகிய இரண்டுமே பாரத் ஸ்டேஜ் - 4 மாசு உமிழ்வு தர சான்றிதழ் பெற்றவையாகும்.

சுப்ரோவின் கீழ் உள்ள மாடல்கள் அனைத்துமே செயல்திறன், வலிமை, பாதுகாப்பு, நம்பகத்தன்மை உள்ளிட்ட பிரிவுகளில் கடுமையான பரிசோதனைகளை கண்டுள்ளது. இவை மகராஷ்டிராவில் உள்ள தொழிற்சாலையில் உற்பத்தியாகின்றன.

மக்களின் அன்றாட தேவைகளுக்கு ஏற்ற வகையில் வடிவமைக்கப்பட்ட சுப்ரோ பிராண்டு வாகனங்கள் மூலம் மஹிந்திரா நிறுவனத்தின் நன்மதிப்பு உயரும் என நம்பிக்கை தெரிவிக்கிறார் மஹிந்திரா & மஹிந்திரா நிறுவனத் தலைவர் பிரவின் ஷா.

புதிதாக அறிமுகமாகியுள்ள வாகனங்களுக்கு 2 ஆண்டுகள் அல்லது 60,000 கிமீ (முதலில் வருவது) வாரண்டி தரப்படுகிறது. சுப்ரோ மேக்சி ட்ரக் முதலில் கடந்த 2015ஆம் ஆண்டு அக்டோபரில் அறிமுகமானது, அதைத் தொடர்ந்து கடந்த ஆண்டு அக்டோபரில் ஈ-சுப்ரோ வேன் மற்றும் ஈ-கார்கோ வேன் என்ற அதன் இரண்டு எலெக்ட்ரிக் வேரியண்டுகள் அறிமுகமானது குறிப்பிடத்தக்கது.