புதிய சி-கிளாஸ் காரில் தனது ஆஸ்தான முத்திரையை நீக்குகிறது மெர்சிடிஸ்... காரணம் இதுதான்..!!

அதுபோன்ற ஒரு பிரபலமான முத்திரையை பெற்றுள்ள கார் தயாரிப்பு நிறுவனம் ஒன்று, தனது அதிக விற்பனை திறனை பெற்றுள்ள மாடலில் இருந்து அந்த முத்திரையை நீக்கி இருக்கிறது.

அந்த நிறுவனம் மெர்சிடிஸ், மாடல் சி-கிளாஸ். மெர்சிடிஸின் மூன்று கூர்மையான கோணங்களை கொண்ட முத்திரை, உலகளவில் பிரபலமானது.

Recommended Video

2017 Mercedes-Benz GLC AMG 43 Coupe Launched In India | In Tamil - DriveSpark தமிழ்

இந்த முத்திரை ஆபரணத்தை சி-கிளாஸ் மாடலில் இருந்து அகற்ற மெர்சிடிஸ் பென்ஸ் நிறுவனம் முடிவு செய்திருப்பதாக தெரிவிக்கப்பட்டுள்ளது.

அமெரிக்காவில் கொஞ்ச நாட்களாகவே சி-கிளாஸ் மாடல் கார் பெரியளவில் விற்பனை திறனை பெறுவது கிடையாது.

இதை குறித்து ஆராய்ந்த மெர்சிடிஸ் நிறுவனம், வாடிக்கையாளர்கள் மனதை எளிதாக ஒரு விஷயத்தின் மூலம் புரிந்துக்கொண்டது.

மெர்சிடிஸின் ஆஸ்தான மூன்று நட்சத்திர கூர்மையான முத்திரை மிகவும் பழைய பாணியில் இருப்பதாக அமெரிக்க வாடிக்கையாளர்களின் எண்ணம் இருக்கிறது.

தனது ஆராய்ச்சியின் முடிவில் தெரிந்துக்கொண்ட மெர்சிடிஸ் நிறுவனம் தற்போது இளைஞர்களை கவரும் வகையில் அதற்கான வழிமுறைகளோடு கார்களை தயாரித்து வருகிறது.

இந்நிலையில் பழைய பாணியில் இருப்பதாக கருதப்படும் இந்த முத்திரையை சி-கிளாஸ் மாடல் இருந்து நீக்குவதே சரி என மெர்சிடிஸ் முடிவு செய்திருக்கிறது.

இதனால் 2018 மெர்சிடிஸ்-பென்ஸ் சி கிளாஸ் மாடலில் முத்திரை இடம்பெறாது என தெரிவிக்கப்பட்டுள்ளது.

இந்த மாற்றத்துடன் வெளிப்புற, உட்புற மற்றும் ஸ்டைலிங் ஆகியவற்றிலும் 2018 சி கிளாஸ் மாடல் கார் பெரியளவில் மாற்றத்தை பெறுகின்றன.

மேலும் இந்த காரில் சி300 மற்றும் சி350இ போன்ற புதிய மாடல்களும் வெளிவருகின்றன. இவற்றுடன் ஏ.எம்.ஜி வெர்ஷனிலும் இந்த கார் வெளிவருகிறது.

இளைஞர்களிடம் பிரபலப்படுத்தும் வகையில் மெர்சிடிஸ் 2018 சி-கிளாஸ் காரில், பல்வேறு மாற்றங்களை மெர்சிடிஸ் மேற்கொண்டுள்ளது.

ஆனால் இவை அனைத்தும் வெற்றிப்பெறுமா என்பது தெரியவில்லை. ஆனால் வெற்றியடைந்தால் அது மெர்சிடிஸிற்கு மகிழ்ச்சியே.

அமெரிக்காவை தவிர மற்ற நாடுகளை பொறுத்தவரை மெர்சிடிஸின் முத்திரை ஒரு பெரிய கௌரவமாகவே பார்கக்கூடியவர்கள் அதிகளவில் உள்ளனர்.