மாருதி பலேனோ, எலைட் ஐ20 கார்களுக்கு போட்டியாக இந்தியாவில் கால்பதிக்கும் புதிய ஹேட்ச்பேக் கார்..!!

அதில் முதற்கட்டமாக எம்.ஜி 3 என்ற பெயரில் புதிய ப்ரீமியம் ஹேட்ச்பேக் காரை இந்தியாவில் சாய்க் அறிமுகப்படுத்தும் என தெரிகிறது.

எம்.ஜி 3 கார், இந்தியாவில் மாருதி பலேனோ, ஹூண்டாய் எலைட் ஐ20, வோக்ஸ்வேகன் போலோ மற்றும் ஹோண்டா ஜாஸ் போன்ற ஹேட்ச்பேக் கார் மாடல்களுக்கு போட்டியாக அமையவுள்ளது.

Recommended Video

Tata Nexon Review: Specs

ஏற்கனவே இந்தியாவில் ப்ரீமியம் ஹேட்ச்பேக் கார்களுக்கு மிகப்பெரிய போட்டியான சூழ்நிலை நிலவுகிறது.

தற்போது இதை பயன்படுத்தி எம்ஜி3 களமிறங்கினால் அது மேலும் போட்டியை உருவாக்கும்.

எம்.ஜி மோட்டார்ஸ், எம்.ஜி 3 ஹேட்ச்பேக் மாடல் காரை இந்தியாவில் தான் தயாரிக்க எண்ணியுள்ளது.

அதற்கான வடிவமைப்பு பணிகள் அனைத்தும் ஐரோப்பாவில் உள்ள அந்நிறுவனத்தின் மற்றொரு மையத்தில் உருவாக்கப்படும்.

இந்தியாவை விட்டு வெளியேறிய ஜெனரல் மோட்டார்ஸின் தொழிற்சாலை குஜராத்தில் உள்ளது. அங்கு தான் சாயிக் தனக்கான கார்களை தயாரிக்கிறது.

இந்தியாவை விட்டு வெளியேறிய ஜெனரல் மோட்டார்ஸின் தொழிற்சாலை குஜராத்தில் உள்ளது. அங்கு தான் சாய்க் எம்.ஜி மோட்டார்ஸின் கார்களை தயாரிக்கிறது.

எம்.ஜி3 ஹேட்ச்பேக் காரின் முகப்பு பகுதியில் கூர்மையான முகப்பு விளக்குகள், எல்-வடிவத்திலான எல்.இ.டி விளக்குகள் உள்ளன. இது பகல் நேரத்திலும் எரியும் திறன் பெற்றவை.

மேலும் அதிகளவில் காற்றை உள்ளிழுக்கும் திறனுடன், அதற்கேற்ற வடிவத்துடன் எம்.ஜி 3 காரை சாய்க் நிறுவனம் தயாரிக்கவுள்ளது.

காரின் பக்கவாட்டில் , மிதக்கும் ரூஃப் அமைப்பு மற்றும் பிளேக்கெண்டு ஏ மற்று பி பில்லர்ஸ் இருக்கும். காரின் பின் பகுதியில் செங்குத்தான டெயில் விளக்குகள், ரூஃப் ஸ்பாய்லர் இடம்பெற்றிருக்கும்.

16 இஞ்ச் அலாய் சக்கரங்கள் மற்றும் காரின் டாப் ரேஞ்ச் மாடல்களில் ஓ.ஆர்.வி.எம் இண்டிக்கேட்டர்கள் எம்.ஜி 3 ஹேட்ச்பேக் மாடலில் இடம்பெற்றிருக்கும்.

காரின் உள்கட்டமைப்புகள் பெரும்பாலும் சாதரண நிலையில் உருவாக்க திட்டமிடப்பட்டுள்ளன. இருந்தாலும் போட்டியை உணர்ந்து அதற்கேற்று எம்.ஜி 3 கார் வடிவமைக்கப்படும்.

எஞ்சினுக்கான தேவைகளில் 1.5 பெட்ரோலில் இயங்கும் எஞ்சின் இந்த காரில் பொருத்தப்படவுள்ளது. இதன்மூலம் 104 பிஎச்பி பவர் மற்றும் 137 என்.எம் டார்க் திறன் கிடைக்கும்.

எம்.ஜி மோட்டார்ஸின் முத்திரையுடன் சாய்க் இந்தியாவில் களமிறங்குவது ஏற்கனவே முடிவு செய்யப்பட்ட ஒன்று தான்.

மேலும் இந்தியாவில் ஹேட்ச்பேக் மாடல் வரவேற்பு பெற்று வரும் நிலையில் அதே தோற்றத்தில் சாய்க் தனது முதல் தயாரிப்பை இந்தியாவில் அறிமுகம் செய்து வைக்கிறது.

பிரிட்டன் நாட்டை சேர்ந்த எம்.ஜி மோட்டார் இந்தியாவில் மாருதி சுசுகி, ஹூண்டாய் மற்றும் வோக்வேகன் நிறுவனங்களுக்கு போட்டியாக அமையவுள்ளது.