ஜிஎஸ்டி எதிரொலியால் மிட்சுபிஷி பஜோரோ ஸ்போர்ட் எஸ்.யூ.வி கார் ரூ.1 லட்சம் வரை விலை குறைந்தது ..!!

மிட்சுபிஷி நிறுவனத்தின் பஜோரோ ஸ்போர்ட் கார் இந்தியாவில் ஜிஎஸ்டி வரி விதிப்பால் விலை குறைந்துள்ளது. கமபீர தோற்றம் மற்றும் செயல்திறனை கொண்டுள்ள இந்த கார் ஆஃப்-ரோடுக்கான மாடலாகவும் உள்ளது.

அதற்கு காரணம் மிட்சுபிஷி பஜோரோ காரை பராமரிக்க அதிக செலவு என்பதால் இந்தியாவில் இதற்கு பெரிய விற்பனை திறன் இல்லை.

Recommended Video

2017 Kawasaki Ninja 1000 Launched In India | In Tamil - DriveSpark தமிழ்

இருந்தாலும், இதை வாங்க பலரும் முயற்சி செய்கின்றனர். அதற்கான வாய்ப்பாக இந்த விலை குறைப்பு மேற்கொள்ளப்பட்டுள்ளது.

ஜிஎஸ்டி படி இந்தியாவில் மிட்சுபிஷி பஜோரா ஸ்போர்ட் மாடலின் விலை சுமார் ரூ.1.04 லட்சம் வரை குறைந்துள்ளது.

இந்தியாவில் ஆரம்ப நிலையில் ரூ. 26.4 லட்சம் (டெல்லி எக்ஸ்-ஷோரூம்) மதிப்பில் துவங்கும் மிட்சுபிஷி பஜோரோ மும்பை போன்ற பெருநகரங்களில் மேலும் விலை குறையலாம் என்று எதிர்பார்க்கப்பட்டுகிறது.

2015ம் ஆண்டில் அறிமுகமான இந்த கார் டொயோட்டா ஃபார்ச்சூனர், ஃபேர்டு என்டெவர், இசுசூ எம்.யூ.- எக்ஸ் மற்றும் வோக்ஸ்வேகன் டியூகன் போன்ற மாடல்களுக்கு போட்டியாக உள்ளது.

எஸ்.யூ.விக்கான தளமாக இந்திய ஆட்டோமொபைல் சந்தை மாறிய பிறகு, பல அதிகப்படியான அப்கிரேடுகளுடன் பஜேரோ ஸ்போர்ட் பிளஸ் எடிஷன் வெளியிடப்பட்டது.

பகிலில் எரியும் எல்.இ.டி விளக்குகள், பிளாக் நிறத்திலான பம்பர், கிரில் மற்றும் வீல் ஆர்ச் கிளௌவ்டிங் போன்ற அம்சங்கள் இந்த புதிய மாடலில் இடம்பெற்றுள்ளது.

17- அங்குல அலாய் சக்கரங்கள், கருப்பு நிறத்திலான ரூஃப் டெயில், லெதர் ஸ்ட்ராப் செய்யப்பட்ட ஸ்டீயரிங் வீல் மற்றும் இலுமினேட் செய்யப்பட்ட ஸ்கஃப் பிளேட் போன்ற அம்சங்களும் புதிய பஜோரோ ஸ்போர்ட் எடிஷனில் உள்ளது.

மேலும் குரூஸ் கண்ட்ரோல், டிவிடி பிளேயர்கள் மற்றும் 6-ஸ்பீக்கர் கொண்ட இன்ஃபோடெயின்மென்ட் சிஸ்டம் போன்ற கட்டமைப்புகளும் இதில் உள்ளது.

மிட்சுபிஷி பஜேரோ ஸ்போர்ட் எஸ்.யூ.வி காரில் 2.5 லிட்டர் 16 வால்வ் டர்போசார்ஜ்டு டீசல் எஞ்சின் உள்ளது. இது 176 பிஎச்பி பவர் மற்றும் 350 என்.எம் திறனை வெளிப்படுத்தும்.

4-வீல் டிரைவ் கொண்ட திறனுடன் 4X4 வேரியன்ட் 5-ஸ்பீடு மேனுவல் கியர்பாக்ஸ் ஆகியவற்றை மிட்சுபிஷி பஜேரோ ஸ்போர்ட் எஸ்.யூ.வி கார் கொண்டுள்ளது.