மாசு உமிழ்வு மோசடியில் இழந்த பெயரை மீட்டெடுக்க கடுமையாக போராடும் வோக்ஸ்வேகன் & ஆடி..!!

தற்போது வோக்ஸ்வேகன் மற்றும் ஆடி நிறுவனங்கள் தயாரித்துள்ள மொத்தம் 12 கார்களை விற்பனை செய்ய கொரிய அரசு அனுமதி வழங்கியுள்ளது.

அங்குள்ள 'தி கொரியா ஹெரால்டு' வெளியிட்டுள்ள தகவலின் படி, அந்நாட்டின் தேசிய சுற்றுச்சூழல் மையம் நடத்திய சோதனை வெற்றி அடைந்துள்ளதால்,

கொரியா அரசு வோக்ஸ்வேகன் மற்றும் ஆடி நிறுவனம் தயாரித்துள்ள 12 கார்களை விற்க அனுமதியளித்துள்ளதாக தெரிவித்துள்ளது.

மேலும் இதனுடே மேலும் விற்பனை செய்யப்படவுள்ள பல கார்களுக்கும் கொரியா சுற்றுச்சூழல் மையம் விரைவில் அனுமதி வழங்கும் என கூறியுள்ளது.

கொரியாவின் சுற்றுச்சூழல் மையம் நடத்திய சோதனையில் வோக்ஸ்வேகனின் டிகுவான் எஸ்.யூ.வி, தி பஸாட் மற்றும் தி ஏர்டென் (செடான்) ஆகிய கார்கள் பங்கேற்றன.

அதேபோல ஆடியின் ஏ4, ஏ5 மற்றும் ஏ6 கார்கள் இடம்பெற்றன. இதுமட்டுமின்றி கார் விற்பனைக்கு கொரியாவின் போக்குவரத்து அமைச்சகத்திடமும் வோக்ஸ்வேகன் உத்தரவு பெறவேண்டும் என அறிவுறுத்தப்பட்டுள்ளது.

ஜெர்மன் நாட்டை சேர்ந்த பல்வேறு நிறுவனங்கள் தயாரித்த கார்கள் மாசு உமிழ்வு மோசடியுடன் உருவாக்கப்பட்டுள்ளதற்கான ஆதராங்கள் தொடர்ந்து கிடைக்கப்பெற்று வருகின்றன.

இந்நிலையில் கொரிய அரசு கார்கள் மேல் தீவிர சோதனை நடத்தி, அந்த நாட்டில் விற்பனை செய்ய அனுமதி அளித்திருப்பது, வரவேற்கத்தக்கதாக பார்க்கப்படுகிறது.

மேலும் வோஸ்வேகன் இழந்தை பெயரை மீட்டெடுக்க இதுபோன்ற சோதனைகளை இந்தியா உட்பட ஏனைய நாடுகளிலும் மேற்கொள்ளவேண்டும் என்பதும் பொதுவிதி ஆகிறது.