Click it and Unblock the Notifications
Just In
-
-
-
-
Don't Miss!
-
வடஇந்தியாவில் 13 மாநிலங்களில் பாஜகவிற்கு சிக்கல்.. ஆக்சிஸ் மை இந்தியா இயக்குனர் சொன்ன தகவல்! -
இமான் வருவதற்குள்.. இன்னைக்கும் சிவகார்த்திகேயனை விடாமல் விரட்டிய ப்ளூ சட்டை மாறன்! -
வைப்பு நிதிக்கு அதிக வட்டி கொடுக்கும் வங்கி எது..? முதலீடு செய்ய இதுதான் சான்ஸ்! -
மனித இரத்தத்தை விரும்பி சுவைக்கும் ஆபத்தான பாக்டீரியா: ஆய்வில் தெரியவந்துள்ள அதிர்ச்சியளிக்கும் செய்தி...! -
"மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு -
பூமிக்கு கடைசி மெசேஜ்.. Mars-இல் இருந்து வந்த "குட்பை".. அசைவின்றி கிடக்கும் ஏர்கிராப்ட்.. 72 முறை நடந்தது! -
பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்! -
பிளஸ்-2 படித்திருந்தால் போதும்...மத்தியஅரசு வேலை தயார்..!!
மஹிந்திரா அல்டுராஸ் ஜி-4... பிரத்யேக படங்களுடன் சிறப்பம்சங்கள் ஒரு பார்வை!
மஹிந்திராவின் மிக விலை உயர்ந்த பிரிமியம் கார் மாடலாக அல்டுராஸ் ஜி4 எஸ்யூவி வரும் 24ந் தேதி விற்பனைக்கு அறிமுகம் செய்யப்பட இருக்கிறது. ஆன்லைனில் முன்பதிவும் ஏற்கப்படுகிறது. ரூ.23 லட்சம் ஆரம்ப விலையில்
மஹிந்திராவின் மிக விலை உயர்ந்த பிரிமியம் கார் மாடலாக அல்டுராஸ் ஜி4 எஸ்யூவி வரும் 24ந் தேதி விற்பனைக்கு அறிமுகம் செய்யப்பட இருக்கிறது. ஆன்லைனில் முன்பதிவும் ஏற்கப்படுகிறது. அடுத்த வாரம் விற்பனைக்கு வர இருக்கும் நிலையில், இந்த புத்தம் புதிய எஸ்யூவியின் பிரத்யேக படங்களை இங்கே பகிர்ந்து கொள்கிறோம், படங்கள் மூலமாக இந்த எஸ்யூவியில் இடம்பெற்றிருக்கும் சிறப்பம்சங்களையும் பார்த்துவிடலாம். புதிய மஹிந்திரா அல்டுராஸ் ஜி4 எஸ்யூவியின் 63 பிரத்யேக படங்களை இங்கே க்ளிக் செய்து பார்க்கலாம்.
ரீபேட்ஜ் மாடல்
வெளிநாடுகளில் விற்பனையில் உள்ள சாங்யாங் ரெக்ஸ்டன் ஜி4 எஸ்யூவிதான் இந்தியாவில் மஹிந்திரா பிராண்டில் அல்டுராஸ் ஜி4 என்ற பெயரில் வர இருக்கிறது. நவீன டிசைன் மற்றும் தொழில்நுட்ப அம்சங்களுடன் இந்த புதிய கலக்கலாக இருக்கிறது. வசதிகளிலும் போட்டியாளர்களை விஞ்சும் விதத்தில் இருக்கிறது.
முகப்பு டிசைன்
முகப்பில் மஹிந்திரா நிறுவனத்தின் கார்களுக்குரிய முத்தாய்ப்பான க்ரில் அமைப்பு, லோகோ இடம்பெற்றிருக்கிறது. வலிமையான பானட் மற்றும் பம்பர் அமைப்பு கம்பீரத்தை கொடுக்கிறது. எல்இடி பனி விளக்குகள், ஸ்கிட் பிளேட் ஆகியவையும் இதன் முக்கிய சிறப்பு அம்சங்களாக கூறலாம்.
பக்கவாட்டு டிசைன்
பக்கவாட்டில் மிக பெரிய சக்கரங்கள், வலிமையான டி பில்லர் அமைப்பு, ரூஃப் ரெயில்கள், க்ரோம் பீடிங் கொடுக்கப்பட்ட ஜன்னல்கள் என மிகவும் பிரிமியமாக இருக்கிறது. இந்த எஸ்யூவி 200 மிமீ கிரவுண்ட் கிளியரன்ஸ் கொண்டது. ஹெட்லைட்டையும், டெயில் லைட்டையும் இணைக்கும் ஷோல்டர் லைன் எஸ்யூவிக்கு உரிய மிரட்டலை கொடுக்கிறது.
பின்புற டிசைன்
படுக்கை வாட்டில் கொடுக்கப்பட்டு இருக்கும் கச்சிதமான டெயில் லைட் க்ளஸ்ட்டர், வலிமையான பம்பர் அமைப்பு, ரூஃப் ஸ்பாய்லர் ஆகியவையும் சிறப்பு சேர்க்கின்றன. பம்பருக்கு மேலே அல்டுராஸ் ஜி-4 பேட்ஜ் கொடுக்கப்பட்டு இருக்கிறது.
இன்டீரியர்
வெளிப்புறத்தை போலவே, உட்புறத்திலும் மிக நேர்த்தியாக டிசைன் செய்யப்பட்டு இருக்கிறது. ஃபிட் அண்ட் ஃபினிஷ் தரமும் மிகச் சிறப்பு. அழகான டேஷ்போர்டு அமைப்பு, அலுமினியம் மற்றும் மரக் கலரிலான அலங்கார வேலைப்பாடுகள் பிரிமியமாக காட்டுகின்றன.
முக்கிய அம்சங்கள்
புரொஜெக்டர் ஹெட்லைட், இன்ஃபோடெயின்மென்ட் சிஸ்டம், க்ளைமேட் கன்ட்ரோல் ஏசி, சிறப்பான பாதுகாப்பு வசதிகளுடன் அதிக இடவசதியை இந்த மாடல் அளிக்கும் என்று எதிர்பார்க்கலாம். அதாவது, போட்டியாளர்களைவிட தொழில்நுட்ப வசதிகளிலும், இடவசதியிலும் சற்றே மேம்பட்டு இருக்கும்.
எதிர்பார்க்கும் விலை
வரும் 24ந் தேதி புதிய மஹிந்திரா அல்டுராஸ் ஜி4 எஸ்யூவியின் விலை விபரம் வெளியிடப்பட இருக்கிறது. ரூ.23 லட்சம் ஆரம்ப விலையில் எதிர்பார்க்கப்படுகிறது. டொயோட்டா ஃபார்ச்சூனர் மற்றும் ஃபோர்டு எண்டெவர் எஸ்யூவி மாடல்களைவிட மிக குறைவான விலையில் வரும் என்பதால் எஸ்யூவி பிரியர்கள் மத்தியில் அதிக ஆவல் ஏற்பட்டுள்ளது.
