மாருதி வேகன் ஆர் காரின் 7 சீட்டர் மாடல் வருகை விபரம்!

இந்த மாடலில் 3 வரிசை இருக்கை அமைப்புடன் 7 பேர் செல்வதற்கான இருக்கை வசதியை பெற்றிருந்தது. சில ஆண்டுகளுக்கு முன் இந்தோனேஷிய ஆட்டோ எக்ஸ்போவிலும் காட்சிக்கு வைக்கப்பட்டது. இந்த மாடல் இந்தியாவில் விற்பனைக்கு கொண்டு வரப்படும் என்று தகவல்கள் வெளியாகின.

இந்த சூழலில், கடந்த சில மாதங்களாக சுஸுகி சோலியோ என்ற பெயரில் ஜப்பானில் விற்பனையில் இருக்கும் 7 சீட்டர் மாருதி வேகன் ஆர் கார் இந்திய மண்ணில் வைத்து சோதனை ஓட்டங்கள் நடத்தப்பட்டு வருகின்றன.

எனினும், இந்த மாடல் இந்தியாவில் அறிமுகம் செய்வதற்கான வாய்ப்புகள் குறைவாக இருப்பதாக கருதப்பட்டது. இந்த சூழலில், வரும் பண்டிகை காலத்தில் இந்த புதிய 7 சீட்டர் மாருதி வேகன் ஆர் காரை இந்தியாவில் விற்பனைக்கு களமிறக்கப்பட இருப்பதாக டீம் பிஎச்பி தளம் செய்தி வெளியிட்டு இருக்கிறது.

மாருதி வேகன் ஆர் காரின் அடிப்படையிலான இந்த 7 சீட்டர் மாடல் 4 மீட்டருக்கும் குறைவான நீளம் கொண்டது. எனவே, இந்த 7 சீட்டர் காரை மிக சவாலான விலையில் விற்பனைக்கு அறிமுகம் செய்வதற்கு வாய்ப்பு இருக்கிறது.

நேர் போட்டியாளராக கருதப்படும் டட்சன் கோ ப்ளஸ் காருக்கு அதிக வரவேற்பு கிடைக்கவில்லை. ஆனால், மாருதி நிறுவனத்தின் நம்பகமான மாடலாக கருதப்படும் வேகன் ஆர் பிராண்டில் இந்த கார் விற்பனைக்கு வரும்போது நிச்சயம் அதிக வரவேற்பை பெறும் வாய்ப்பு இருக்கிறது.

ஜப்பானில் விற்பனை செய்யப்படும் சுஸுகி சோலியோ காரில் 1.2 லிட்டர் பெட்ரோல் எஞ்சினுடன் ஹைப்ரிட் வெர்ஷனில் விற்பனை செய்யப்படுகிறது. இந்த நிலையில், இந்தியாவில் சுஸுகி ஸ்விஃப்ட் காரில் பயன்படுத்தப்படும் 1.2 லிட்டர் பெட்ரோல் எஞ்சினுடன் இந்த கார் வருவதற்கு வாய்ப்பு இருக்கிறது.

இந்த புதிய மாடல் 5 ஸ்பீடு மேனுவல் கியர்பாக்ஸ் மற்றும் ஏஎம்டி கியர்பாக்ஸ் ஆப்ஷன்களில் மாருதி களமிறக்கும் என்று எதிர்பார்க்கப்படுகிறது.

மாருதி நிறுவனத்தின் பட்ஜெட் விலை எம்பிவி காராக இருக்கும் என்பதால் இப்போதே எதிர்பார்ப்பை கிளறியிருக்கிறது. ஆனால், இந்த கார் அறிமுகம் குறித்து மாருதி இதுவரை எந்த தகவலையும் வெளியிடவில்லை.