ஆப்பிள் கார்பிளே-விற்கு ஏற்றவாறு சிறப்பு செயல்பாடுகளுடன் அப்டேட் செய்யப்பட்ட வாட்ஸ்அப்..!!

ஆனால் காரில் செல்பவர்களால் அப்படி செய்ய முடியாதே. முந்தைய ஆண்டுகளில் காரை ஓட்டிச்செல்லும் போது கைப்பேசியை பயன்படுத்தியதாக பதிவாகும் வழக்குகள் குறைவில்லாமல் நடக்கும்.

இந்தியளவில் பிரபலமான திரைப்பட நட்சத்திரங்கள், கிரிக்கெட் வீரர்கள், அரசியல் கட்சி தலைவர்கள் கூட இந்த வழக்குகளில் சிக்கியுள்ளனர். அதை நாளிதழ்களில் செய்தியாகவும் படித்திருக்கிறோம்.

இன்றும் இந்த போக்குவரத்து விதி கடுமையாக பின்பற்றப்பட்டு தான் வருகிறது. ஆனால் தற்போது கார் செயல்பாட்டில் இருக்கும் போதே ஓட்டுநர் கைப்பேசிய பயன்படுத்த ஏதுவாக தொழில்நுட்பங்கள் வந்துவிட்டன.

Recommended Video

Auto Rickshaw Explodes In Broad Daylight

அதுதான் ஆப்பிள் கார்பிளே. இதனுடன் ஓட்டுநர் கைப்பேசியை இணைத்துவிட்டால் போதும், கால் வந்தால் ஓட்டுநர் கையில் கைப்பேசியை எடுக்காமலே அதற்கு இசைவு தெரிவிக்கலாம்.

தற்போது இந்த வசதி என்ட்ரி லெவல் கார்களிலிருந்து எல்லா வித கார்களிலும் உள்ளது. கிட்டத்தட்ட ஆப்பிள் கார்பிளே என்பது தற்போது கார் ஓட்டுநர்களுக்கு அத்தியாவச தேவையாகிவிட்டது.

ஆப்பிள் கார்பிளேவின் தேவையை உணர்ந்துக்கொண்டுள்ள வாட்ஸ்அப் தற்போது அதற்கு ஏற்றவாறான புதிய அப்டேட்டை வெளியிட்டுள்ளது. மிகவும் பயன்தரும் வகையில் அந்த அப்டேட் உருவாக்கப்பட்டுள்ளது.

பிரபல சாட்டிங் செயலியான வாட்ஸ்அப் வாடிக்கையாளர்களை கவரும் அப்டேட்டுகளை வழங்குவதில் கில்லி. அது வெளியிடும் ஒவ்வொரு அப்டேட்டும் அடிப்படை தேவைகளாக மாறிவருகின்றன.

இந்த நிலையில் தற்போது ஆப்பிள் கார்பிளே-வில் வாட்ஸ்அப் பயன்படுத்தக்கூடியதாக இந்த புதிய அப்டேட் உள்ளது. இந்த குறிப்பிட்ட அப்டேட் கார் ஓட்டுநர்களுக்கு மிகவும் பயன் தரும் வகையில் இருக்கும்.

அதன்படி, இனி கார் ஓட்டுநர்கள் தங்களது கார்களில் உள்ள ஆப்பிள் கார்பிளேவில் வாட்ஸ்அப் செயலியை நிறுவி காரை ஓட்டும் நேரத்திலேயே தகவல்கள் மற்றும் குறுஞ்செய்திகளை பரிமாறிக்கொள்ள முடியும்.

வழக்கம் போலவே கார் ஓட்டும் நேரத்தில் தேவைப்படும் வார்த்தைகளுக்கான சில எழுத்துக்களை தட்டச்சு செய்தால், வாட்ஸ்அப் சில சொற்களை காண்பிக்கும்.

அவற்றில் நாம் தேவைப்படும் வார்த்தையை க்ளிக் செய்தால் போதுமானது. வாட்ஸ்அப்பில் டிக்டேஷன் முறையில் குறுஞ்செய்திகளை தட்டச்சு செய்யும் முறை அறிமுகமாகியுள்ளது.

இதே அப்டேட் ஆப்பிள் பயனர்களுக்கு சிரி என்ற குரல்வழி கட்டளை மூலம் வாடஸ்அப்பில் பெறப்பட்டு குறுஞ்செய்திகளை ஒலி வடிவில் கேட்க முடியும் என்பது குறிப்பிடத்தக்கது.