Just In
- 41 min ago அரபு நாடுகளின் பொழப்பில் மண்ணை அள்ளி போட்ட டாடா... ஒட்டுமொத்த உலகமும் இந்தியாவை உத்து பாக்குது...
- 1 hr ago மோடியின் பாதுகாப்புக்கு செல்லும் இந்த டீசல் காரை இனி பயன்படுத்த கூடாது! வெளியான புதிய உத்தரவு
- 2 hrs ago சென்னை ஃபோர்டு ஆலையில் முக்கிய புள்ளிகளின் நடமாட்டம்! எதிர்பார்த்த செய்தி வரப்போகுது போல!
- 3 hrs ago 5கதவுகள் வெர்ஷனிலும் வருகிறது மஹிந்திரா தார்.. இந்தியர்களோட ரொம்ப நாள் எதிர்பார்ப்பு..
Don't Miss!
- News அரவிந்த் கெஜ்ரிவாலை முதல்வர் பதவியிலிருந்து நீக்க கோரிய வழக்கு! மனுவை தள்ளுபடி செய்தது நீதிமன்றம்
- Movies Baakiyalakshmi: பளார்.. என்னா அடி.. ஜெனி காலில் விழுந்து சரணடைந்த செழியன்!
- Sports IPL 2024 : ஐயயோ.. அவ்வளவு கண்டிப்புடன் இருக்க மாட்டேன்.. என்னை மாதிரி தான் ருதுராஜும்.. தோனி பகிர்வு
- Finance மாலத்தீவுக்கு 1500 டன் லிட்டர் தண்ணீரை அனுப்பிய சீனா.. அதுவும் திபெத்தில் இருந்து ஸ்பெஷல் டெலிவரி..!!
- Lifestyle ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- Technology மீண்டும் மீண்டுமா.. 50MP கேமரா.. 100W சார்ஜிங்.. புதிய போனை கொண்டுவரும் OnePlus.. எந்த மாடல்?
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
கிறிஸ்துமஸ் சம்பிரதாயம்... பல லட்சம் மதிப்புள்ள சொகுசு கார்கள் பரிசு... பிடித்ததை எடுத்து கொள்ளலாம்
பல லட்ச ரூபாய் மதிப்புள்ள புத்தம் புதிய ஆடி சொகுசு கார்கள் கிறிஸ்துமஸ் பரிசாக வழங்கப்பட்டுள்ளன. இதுகுறித்த சுவாரஸ்யமான தகவல்களை இந்த செய்தியில் பார்க்கலாம்.
கிறிஸ்துமஸ் பண்டிகையை கொண்டாட உலகம் வேகமாக தயாராகி வருகிறது. கிறிஸ்துமஸ் பண்டிகைக்கு இன்னும் சரியாக ஒரு வார காலம் இருக்கிறது. ஆனால் ரியல் மாட்ரிட் கால்பந்து அணியின் வீரர்களுக்கு கிறிஸ்துமஸ் முன்னதாகவே வந்து விட்டது!! ஆம், அவர்கள் தற்போது கொண்டாட்டத்தில் மிதந்து கொண்டுள்ளனர்.
ஸ்பெயினை சேர்ந்த ரியல் மாட்ரிட் ஃபுட்பால் கிளப் பற்றி யாருக்கும் நிச்சயமாக அறிமுகமே தேவைப்படாது. நீண்ட நெடிய பாரம்பரியம் கொண்ட ரியல் மாட்ரிட் அணிக்காக, உலகின் பல்வேறு நாடுகளை சேர்ந்த முன்னணி வீரர்களும் விளையாடி கொண்டுள்ளனர். எனவே உலகம் முழுக்க ரசிகர்களை கொண்ட அணியாக ரியல் மாட்ரிட் உள்ளது.
ரியல் மாட்ரிட் அணி வீரர்களுக்கு ஆடி நிறுவனம் தற்போது கார்களை பரிசாக வழங்கியுள்ளது. ரியல் மாட்ரிட் அணியின் அதிகாரப்பூர்வ ஸ்பான்சராக ஆடி நிறுவனம் செயல்பட்டு வருவது குறிப்பிடத்தக்கது. ஒவ்வொரு ஆண்டும் நடக்கும் சம்பிரதாயம் இது என்பது சுவாரஸ்யமான விஷயம். ரியல் மாட்ரிட் வீரர்கள் தங்களுக்கு விருப்பமான மாடலை விரும்பிய நிறத்தில் தேர்வு செய்து கொள்ளலாம்.
ஆடி நிறுவனம் கிறிஸ்துமஸ் பரிசாக அவர்களுக்கு அந்த காரை வழங்கும். ரியல் மாட்ரிட் பயிற்சியாளரான ஜினடின் ஜிடேன் இருப்பதிலேயே மிகவும் விலை குறைவான மாடலை தேர்வு செய்திருப்பதாக தகவல்கள் தெரிவிக்கின்றன. அதே சமயம் ரியல் மாட்ரிட் அணியின் கேப்டனும், ஸ்பெயின் தேசிய அணியின் டிபெண்டருமான செர்ஜியோ ராமோஸ் விலை உயர்வான மாடலை தேர்வு செய்துள்ளார்.
இன்ஸ்டாகிராமில் எங்களை பின்தொடர இங்கே கிளிக் செய்யுங்கள்
அவர் ஆடி ஏ8 50 டிடிஐ குவாட்ரோ டிப்ட்ரோனிக் (Audi A8 50 TDI Quattro Tiptronic) காரை தேர்ந்து எடுத்துள்ளார். இந்திய மதிப்பில் இதன் விலை சுமார் 81 லட்ச ரூபாய் என கூறப்படுகிறது. ஸ்பெயினை சேர்ந்த செய்திதாளான ஏஇஸட் இதுகுறித்து செய்தி வெளியிட்டுள்ளது. ரியல் மாட்ரிட்டின் மற்ற சூப்பர்ஸ்டார்கள் தேர்வு செய்ய கார்கள் குறித்து இனி பார்க்கலாம்.
ஜெர்மனியை சேர்ந்த மிட்-பீல்டரான டோனி க்ரூஸ், ஆடி க்யூ8 50 டிடிஐ குவாட்ரோ டிப்ட்ரோனிக் (Audi Q8 50 TDI Quattro Tiptronic) காரை தேர்வு செய்துள்ளார். இந்திய மதிப்பில் இந்த காரின் விலை சுமார் 69 லட்ச ரூபாய். அதே சமயம் இங்கிலீஷ் கிளப்பான செல்சாவில் இருந்து ரியல் மாட்ரிட் அணியில் சமீபத்தில் இணைந்தவரான ஈடன் ஹசார்டும் டோனி க்ரூஸ் தேர்வு செய்த காரைதான் வாங்கியுள்ளார்.
உண்மையில் கால்பந்து வீரர்கள் மத்தியில், ஆடி க்யூ8 50 டிடிஐ குவாட்ரோ டிப்ட்ரோனிக் மிகவும் புகழ்பெற்ற மாடலாக இருப்பது போல்தான் தெரிகிறது. ஏனெனில் ஜேம்ஸ் ரோட்ரிக்சும் அதே காரைதான் தேர்ந்து எடுத்துள்ளார். அதே நேரத்தில் பிரான்ஸ் டிபெண்டரான ரபேல் வர்னே, சிகப்பு நிற ஆடி இ-ட்ரான் 55 குவாட்ரோ (Audi e-tron 55 Quattro) காரை தேர்ந்து எடுத்துள்ளார்.
இந்திய மதிப்பில் இதன் விலை தோராயமாக 67 லட்ச ரூபாய். அதே சமயத்தில் பிரேசிலை சேர்ந்த வினீசியஸ் ஜூனியர், ஆடி ஏ7 ஸ்போர்ட்பேக் 50 டிடிஐ குவாட்ரோ டிப்ட்ரோனிக் (Audi A7 Sportback 50 TDI Quattro Tiptronic) காரை தேர்வு செய்துள்ளார். இந்திய மதிப்பில் இதன் விலை தோராயமாக 63 லட்ச ரூபாய் என்பது குறிப்பிடத்தக்கது.
மிகவும் விலை உயர்ந்த லக்ஸரி கார்களை ஆடி பரிசாக வழங்கியுள்ளதால், ரியல் மாட்ரிட் வீரர்கள் தற்போது உற்சாகத்தில் திளைத்து வருகின்றனர். கால்பந்து விளையாட்டின் மூலமாக அதிகப்படியான வருமானம் கிடைத்து வரும் சூழலில், இப்படி ஒரு கிறிஸ்துமஸ் பரிசு கிடைக்க உண்மையில் அவர்கள் கொடுத்து வைத்திருக்க வேண்டும்.