Just In
- 1 hr ago ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
- 2 hrs ago விமானம் தரையிறங்கும் முன் எரிபொருளை விமானிகள் வேண்டுமென்றே திறந்துவிடுவார்கள்.. நாடுவானில் ஏன் இத செய்யுறாங்க?
- 2 hrs ago லியோ படத்தில் விஜய்யுடன் நடிச்சாரு, இப்போது விலையுயர்ந்த டொயோட்டா காரில்!! கேரள நடிகையின் புது கார்!
- 5 hrs ago போன தடவ சிவப்பு நிற சைக்கிள்.. இந்த முறை இன்னோவா கார்.. இந்த கார் வாயிலாக அவர் என்ன சொல்லியிருக்கார்?
Don't Miss!
- Finance துபாயில் இருக்கும் இந்தியர்களே.. முதல்ல இதை படிங்க..!
- News பல தொகுதிகளில் திணறல்.. வாக்குப்பதிவில் பெரிய அளவில் மக்கள் ஆர்வம் காட்டவில்லையா? 5 காரணங்கள்
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Lifestyle தினமும் எவ்வளவு சர்க்கரை உட்கொள்வது பாதுகாப்பானது தெரியுமா? இத்தனை ஸ்பூனுக்கு மேல தெரியாம கூட சாப்பிடாதீங்க...
- Technology யாருமே எதிர்பார்க்கல.. 8ஜிபி ரேம்.. 50எம்பி கேமரா.. புதிய Samsung 5ஜி மாடல் அறிமுகம்.. என்ன விலை?
- Movies Actor Vijay Antony: பணத்திற்காக வாக்கை விற்காதீர்கள்.. தெளிவுபடுத்திய நடிகர் விஜய் ஆண்டனி!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
- Sports ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர்
புதிய கியா செல்டோஸ் காரின் அதிகாரப்பூர்வ விபரங்கள் வெளியீடு!
வரும் 22ந் தேதி புத்தம் புதிய கியா செல்டோஸ் எஸ்யூவி கார் இந்தியாவில் விற்பனைக்கு கொண்டு வரப்பட இருக்கிறது. இந்த நிலையில், இந்த காரின் தொழில்நுட்பம் மற்றும் இதர முக்கிய விபரங்கள் அதிகாரப்பூர்வமாக வெளியிடப்பட்டுள்ளது. அதன் விபரங்களை இந்த செய்தியில் காணலாம்.
க்ரெட்டாவைவிட கொஞ்சம் பெருசு
கியா செல்டோஸ் கார் 4,315 மிமீ நீளமும், 1,800 மிமீ அகலமும், 1620 மிமீ உயரமும் கொண்டதாக வடிவமைக்கப்பட்டு இருக்கிறது. ஹூண்டாய் க்ரெட்டா காரைவிட இந்த கார் சற்று அளவில் பெரியதாக இருக்கிறது. இந்த காரின் வீல்பேஸ் 2,610 மிமீ ஆக தெரிவிக்கப்பட்டு இருக்கிறது. இந்த காரில் 433 லிட்டர் கொள்திறன் கொண்ட பூட்ரூம் இடவசதி உள்ளது.
எல்இடி ஹெட்லைட்டுகள்
புதிய கியா செல்டோஸ் காரில் எல்இடி ஹெட்லைட்டுகள், பகல்நேர விளக்குகள், டெயில்லைட்டுகள் கொடுக்கப்பட்டுள்ளன. இந்த காரின் பேஸ் வேரியண்ட்டில் 16 அங்குல ஸ்டீல் சக்கரங்களும், நடுத்தர வேரியண்ட்டுகளில் 16 அங்குல அலாய் வீல்களும், டாப் வேரியண்ட்டில் 17 அங்குல அலாய் வீல்கள் வழங்கப்படும். ஷார்க் ஃபின் ஆன்டெனா அனைத்து வேரியண்ட்டுகளிலும் இடம்பெறுகிறது.
இரண்டு மாடல்கள்
புதிய கியா செல்டோஸ் கார் எச்டி லைன் மற்றும் ஜிடி லைன் என்ற இரண்டு மாடல்களில் எஞ்சின் தேர்வுகள் வழங்கப்பட உள்ளன. இதில், 1.5 லிட்டர் பெட்ரோல் எஞ்சின் மற்றும் 1.5 லிட்டர் டீசல் எஞ்சின் டெக்லைன் என்ற பெயரிலும், ஜிடி லைன் மாடலில் 1.4 லிட்டர் டர்போ பெட்ரோல் எஞ்சினும் வழங்கப்படும். ஜிடி மாடலில் முன்புற மற்றும் பின்புற ஸ்கிட் பிளேட்டுகளில் சிவப்பு வண்ண அலங்காரமும், சிவப்பு வண்ண பிரேக் காலிபர்களும் கொடுக்கப்பட இருக்கின்றன. இது தனித்துவப்படுத்தும். இந்த இரண்டு மாடல்களும் வசதிகளை பொறுத்து பsல்வேறு வேரியண்ட்டுகளில் கிடைக்கும்.
சாதாரண பெட்ரோல் எஞ்சின்
இந்த காரில் இடம்பெறும் 1.5 லிட்டர் பெட்ரோல் எஞ்சின் அதிகபட்சமாக 115 பிஎஸ் பவரையும், 144 என்எம் டார்க் திறனையும் வழங்கும். இந்த மாடலில் 6 ஸ்பீடு மேனுவல் கியர்பாக்ஸ் அல்லது சிவிடி ஆட்டோமேட்டிக் கியர்பாக்ஸ் தேர்வு கொடுக்கப்பட இருக்கிறது. இந்த மாடல் 0 - 100 கிமீ வேகத்தை எட்டுவதற்கு 11.8 வினாடிகள் எடுத்துக் கொள்ளும்.
டீசல் எஞ்சின்
புதிய கியா செல்டோஸ் காரில் இடம்பெறும் 1.5 லிட்டர் டீசல் எஞ்சின் அ்திகபட்சமாக 115 பிஎஸ் பவரையும், 250 என்எம் டார்க் திறனையும் வழங்கும். 6 ஸ்பீடு மேனுவல் கியர்பாக்ஸ் அல்லது 6 ஸ்பீடு ஆட்டோமேட்டிக் கியர்பாக்ஸ் தேர்வுகளில் கிடைக்கும். இந்த மாடல் 0 -100 கிமீ வேகத்தை எட்டுவதற்கு 11.5 வினாடிகள் எடுக்கும்.
டர்போ பெட்ரோல் எஞ்சின்
புதிய கியா செல்டோஸ் காரின் 1.4 லிட்டர் டர்போ பெட்ரோல் எஞ்சின் அதிகபட்சமாக 140 பிஎஸ் பவரையும், 242 என்எம் டார்க் திறனையும் வெளிப்படுத்தும் திறன் கொண்டது. இந்த மாடலில் 6 ஸ்பீடு மேனுவல் கியர்பாக்ஸ் அல்லது 7 ஸ்பீடு டிசிடி கியர்பாக்ஸ் தேர்வுகள் வழங்கப்படும். இந்த மாடலானது 0 - 100 கிமீ வேகத்தை 9.7 வினாடிகளிலேயே எட்டிவிடும்.
மைலேஜ்
கியா செல்டோஸ் காரின் 1.5 லிட்டர் பெட்ரோல் மேனுவல் மாடல் 16.1 கிமீ மைலேஜையும், ஆட்டோமேட்டிக் மாடல் 16.5 கிமீ மேலேஜையும் வழங்கும். மேனுவல் கியர்பாக்ஸ் கொண்ட டீசல் மாடல் 16.5 கிமீ மைலேஜையும், ஆட்டோமேட்டிக் மாடல் 16.8 கிமீ மைலேஜையும் வழங்கும். 1.4 லிட்டர் டர்போ பெட்ரோல் மேனுவல் கியர்பாக்ஸ் மாடல் 21.0 கிமீ மைலேஜையும், ஆட்டோமேட்டிக் மாடல் 18 கிமீ மைலேஜையும் வழங்கும் என்று தெரிவிக்கப்பட்டுள்ளது.
முக்கிய அம்சங்கள்
புதிய கியா செல்டோஸ் காரில் 10.25 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம் கொடுக்கப்பட இருக்கிறது. அத்துடன், 7 அங்குல மல்டி இன்ஃபர்மேஷன் திரையும் இன்ஸ்ட்ரூமென்ட் க்ளஸ்ட்டரில் இடம்பெற்றுள்ளது. இந்த காரில் 8.0 அங்குல ஹெட்ஸ் அப் டிஸ்ப்ளே, 400 வாட் போஸ் ஆடியோ சிஸ்டம், எல்இடி ஆம்பியன்ட் சவுண்ட் மூட் லைட் சிஸ்டம் ஆகியவை முக்கிய அம்சங்களாக உள்ளன. யுவோ செயலி மூலமாக ரிமோட் முறையில் பல்வேறு விஷயங்களை கட்டுப்படுத்தவும், தகவல்களை பெறுவதற்கான வாய்ப்பும் இருக்கிறது.
டாப் வேரியண்ட்
டாப் வேரியண்ட்டுகளில் தேன்கூடு வடிவ டிசைனிலான லெதர் இருக்கைகள், லெதர் அப்ஹோல்ஸ்ட்ரி, 8 வே அட்ஜெஸ்ட்டபிள் டிரைவர் இருக்கை, பின்புற இருக்கைகளை 32 டிகிரி வரையிலான கோணத்தில் சாய்த்துக் கொள்ளும் வசதிகள் உள்ளன. இந்த காரின் பின் இருக்கைகளை 60:40 என்ற விகிதத்தில் மடக்க முடியும்.
பாதுகாப்பு வசதிகள்
புதிய கியா செல்டோஸ் காரில் 6 ஏர்பேக்குகள், எலெக்ட்ரானிக் ஸ்டெபிளிட்டி புரோகிராம், 3 லெவல் டிராக்ஷன் கன்ட்ரோல், 360 டிகிரி பார்க்கிங் கேமரா, இபிடியுடன் கூடிய ஏபிஎஸ் பிரேக்கிங் சிஸ்டம், வெஹிக்கிள் ஸ்டெபிளிட்டி மேனேஜமென்ட் சிஸ்டம் மற்றும் பார்க்கிங் சென்சார்கள் கொடுக்கப்பட இருக்கின்றன.
முன்பதிவு விறுவிறு
புதிய கியா செல்டோஸ் காருக்கு ஏற்கனவே முன்பதிவு துவங்கி நடந்து வருகிறது. விலை அறிவிப்புக்கு முன்னரே முன்பதிவு மிக கணிசமான அளவில் இருந்து வருகிறது. ரூ.10 லட்சம் முதல் ரூ.16 லட்சம் இடையிலான விலையில் எதிர்பார்க்கப்படுகிறது.
மீடியா டிரைவில் டிரைவ்ஸ்பார்க்
இன்றும் நாளையும் கோவாவில் நடைபெறும் மீடியா டிரைவ் நிகழ்ச்சியில் கியா செல்டோஸ் காரை டெஸ்ட் டிரைவ் செய்து வருகிறோம். இந்த காரின் சாதக, பாதகங்கள் அடங்கிய டெஸ்ட் டிரைவ் கட்டுரையை விரைவில் டிரைவ்ஸ்பார்க் தமிழ் தளத்தில் பகிர்ந்து கொள்கிறோம்.
-
குடும்பத்தோட போறதுக்கு சூப்பர் கார்! ஆஃபரும் அள்ளி குடுக்குறாங்க! ஆனால் சேல்ஸ் சுத்தமா இல்லை ஏன் தெரியுமா
-
சினிமா ஹீரோயின் மாதிரி இருக்காங்க... புதுசா வாங்கன கார்ல வந்து இறங்கனது அவங்களா... மனசை பறிகொடுத்த இளசுகள்!
-
பெத்த குழந்தையை நடுரோட்டில் இப்படியா செய்வது? கொஞ்சம் மிஸ் ஆகினால் எல்லாமே காலி!!