Just In
- 34 min ago சொகுசு வாழ்க்கையில் மிதக்கும் விஜய் பட வில்லன்!! கார்களை விற்றாலே பல தலைமுறைக்கு உட்கார்ந்து சாப்பிடலாம்!
- 3 hrs ago ரூ.70,000க்கும் குறைவான விலையில் விற்பனைக்கு கிடைக்கும் எலெக்ட்ரிக் டூ-வீலர்கள்.. லூனா முதல் ஆப்டிமா வரை!
- 4 hrs ago ஒரு புறாவுக்கு இவ்வளவு பெரிய அக்கப்போரா!! இலவச பஸ் டிக்கெட் இருந்தும் பெரிய தொகையை செலவழித்த பாட்டி - பேத்தி!
- 4 hrs ago 6ம் மாசத்துக்கு அப்புறம் எப்பே வேணும்னாலும் இந்த காரை இந்தியாவில் எதிர்பார்க்கலாம்! சிட்ரோன் பசால்டு வெளியீடு!
Don't Miss!
- Lifestyle வீட்டில் ரொம்ப பழைய பால் இருக்கா? அதை கீழ ஊத்தி வேஸ்ட் பண்ணாதீங்க... அதை வைச்சு இவ்வளவு விஷயம் செய்யலாம்...!
- Sports குட்டி யுவராஜை அப்படியே தூக்கிட்டு வாங்க டா.. யார் இந்த அபிஷேக் சர்மா? 16 பந்தில் அரைசதம்
- News உதயசூரியன் சின்னம் வேண்டாம்.. பம்பரம் இல்லை என்றாலும் பிரச்சனையில்லை.. துரை வைகோ உறுதி
- Movies Vijay - புஸ்ஸி ஆனந்த்துடன் விஜய் சகவாசம்.. ஒரு அரசியல்வாதியும் இப்படி செய்யல.. கிழித்து தொங்கவிட்ட எஸ்.ஏ.சி
- Finance 2047ல் இந்தியா வளர்ந்த நாடாக மாறுமா? அதைப் பற்றி பேசுவது கூட முட்டாள் தனம் - ரகுராம் ராஜன்
- Education ஜேஇஇ பிரதானத் தேர்வெழுதும் அரசு பள்ளி மாணவர்களுக்கு சிறப்புப் பயிற்சி
- Technology கட்டண உயர்வு.. தூக்கி வாரிய வோடபோன்.. ரூ.202 ரீசார்ஜ்.. 13 ஓடிடி.. 400 சேனல்கள்.. டிவி டூ மொபைல்.. என்ன வருது!
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
திடீரென கார் ரேஸில் களமிறங்கிய சச்சின்... எவ்வளவு வேகத்தில் ஓட்டினார் என தெரிந்தால் ஆச்சரியம் உறுதி
கிரிக்கெட் வீரர் சச்சின் டெண்டுல்கர் திடீரென கார் ரேஸில் களமிறங்கியுள்ளார். அவர் எவ்வளவு வேகத்தில் காரை ஓட்டினார் என தெரிந்தால் நீங்கள் ஆச்சரியப்படக்கூடும்.
கிரிக்கெட் ரசிகர்களால் கொண்டாடப்படும் வீரர்களில் ஒருவர் சச்சின் டெண்டுல்கர். இந்திய கிரிக்கெட் அணிக்காக சச்சின் ஆற்றிய பங்களிப்பு மகத்தானது. சச்சின் டெண்டுல்கருக்கு இந்தியா மட்டுமல்லாது, உலகம் முழுவதும் ரசிகர்கள் உள்ளனர்.
சச்சின் டெண்டுல்கர் கிரிக்கெட்டை எந்த அளவிற்கு நேசிக்கிறாரோ, அதே அளவிற்கு கார்கள் மீதும் அதிக ஆர்வம் கொண்டவர். குறிப்பாக பிஎம்டபிள்யூ (BMW) கார்கள்தான் சச்சின் டெண்டுல்கருக்கு மிகவும் விருப்பமானவை.
பிஎம்டபிள்யூ கார்களில், தனியாகவும், குடும்பத்தினருடனும் சச்சின் டெண்டுல்கர் வலம் வருவதை அடிக்கடி பார்க்க முடியும். இந்த சூழலில் உத்தரபிரதேச மாநிலம் கிரேட்டர் நொய்டாவில் அமைந்துள்ள புத்தா சர்வதேச சர்க்யூட்டில் நடைபெற்ற பிஎம்டபிள்யூ நிகழ்ச்சி ஒன்றில் சச்சின் கலந்து கொண்டார்.
புத்தா இன்டர்நேஷனல் சர்க்யூட்தான் (Budh International Circuit) இந்தியாவில் இருக்கும் ஒரே ஒரு பார்முலா 1 (Formula One) ரேஸ் டிராக் என்பது குறிப்பிடத்தக்கது. இங்கு நடைபெற்ற நிகழ்ச்சியின் ஒரு பகுதியாக பிஎம்டபிள்யூ எம்2 (BMW M2) காரை சச்சின் டெண்டுல்கர் ஓட்டினார்.
ரேஸ் டிராக் என்பதால், காரை ஓட்டுவதற்கு முன்பாக சச்சின் வார்ம் அப் செய்து கொண்டார். வார்ம் அப்பின் போது அவர் கார் ஓட்டிய விதமே அனைவரையும் பிரம்மிக்க வைத்தது. அதே சமயம் ரேஸ் டிராக்கில் சச்சின் அதை விட அசத்தலாக காரை ஓட்டி அமர்க்களப்படுத்தினார்.
ரேஸ் டிராக்கில் சச்சின் டெண்டுல்கர் கார் ஓட்டும்போது, பிரணவ் என்ற ரசிகர் கோ-டிரைவர் சீட்டில் அமர்ந்து கொண்டார். அப்போது ''இங்கு நான் செட் செய்யும் லேப் டைமிங்கை (Lap Timing) முறியடிப்பவர்களுக்கு பரிசு வழங்கப்படும்'' என பிரணவ்விடம் சச்சின் கூறினார்.
சச்சின் டெண்டுல்கர் கார் ஓட்டியதை வைத்து பார்க்கையில், புத்தா சர்வதேச சர்க்யூட் அவருக்கு நன்கு பரிட்சயமானது போல் தோன்றுகிறது. வளைவுகளில் எப்போது பிரேக் பிடிக்க வேண்டும் என்பதை அறிந்திருந்த சச்சின், அதற்கு ஏற்ப காரை ஓட்டினார்.
சச்சின் மொத்தம் 2 லேப்கள் காரை ஓட்டினார். இதில், ஒரு லேப்பை 2:20 நிமிடங்களில் நிறைவு செய்தார். இதுதான் சச்சின் செட் செய்த விரைவான லேப் டைமிங். உண்மையில் இது மிக விரைவானதாகவே பார்க்கப்படுகிறது.
ஏனெனில் புத்தா சர்வதேச சர்க்யூட்டில் பதிவு செய்யப்பட்ட மிக வேகமான லேப் டைமிங் 1:59 நிமிடங்கள் ஆகும். இந்த சாதனை ஃபெராரி 458 சேலஞ்ச் (Ferrari 458 Challenge) கார் மூலம் நிகழ்த்தப்பட்டது. ஆனால் இது முழுக்க முழுக்க ரேஸ் கார் என்பது குறிப்பிடத்தக்கது.
அப்படி இருக்கையில் பிஎம்டபிள்யூ எம்2 காரில், அதுவும் ஒரு கிரிக்கெட் வீரர் 2:20 நிமிடங்களில் லேப்பை நிறைவு செய்தது ஆச்சரியமான ஒன்றுதான். பிஎம்டபிள்யூ எம்2 காம்படிசன் (BMW M2 Competition) காரானது, இந்திய மார்க்கெட்டில் கடந்த ஆண்டு அறிமுகம் செய்யப்பட்டது.
இதன் எக்ஸ் ஷோரூம் விலை 79.90 லட்ச ரூபாய். இது எண்ட்ரி லெவல் எம்-சீரீஸ் கார் ஆகும். இந்த காரில் 3.0 லிட்டர், 6-சிலிண்டர், இன்லைன் இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 405 பிஎச்பி பவர் மற்றும் 550 என்எம் டார்க் திறனை வெளிப்படுத்தும் வல்லமை வாய்ந்தது.
பூஜ்ஜியத்தில் இருந்து 100 கிலோ மீட்டர்கள் என்ற வேகத்தை இந்த கார் வெறும் 4.4 வினாடிகளில் எட்டிவிடும். இதன் டாப் ஸ்பீடு மணிக்கு 280 கிலோ மீட்டர்கள். முன்னதாக சச்சின் டெண்டுல்கருடன் பயணம் செய்த பிரணவ், சச்சின் கார் ஓட்டுவதை வீடியோ எடுத்து கொண்டார்.
சச்சின் வேகமாக கார் ஓட்டுவது, இருவருக்கும் இடையேயான உரையாடல்கள் ஆகியவை அந்த வீடியோவில் இடம்பெற்றுள்ளன. சமூக வலைதளங்களில் வேகமாக பரவி வரும் அந்த வீடியோவை நீங்கள் கீழே காணலாம்.
பிஎம்டபிள்யூ நிறுவனத்தின் பிராண்ட் அம்பாஸிடரான சச்சின், தனக்கு விருப்பமான கார்கள் பற்றியும் இந்த வீடியோவில் பேசுகிறார். குடும்பத்துடன் வெளியே செல்வதென்றால், பிஎம்டபிள்யூ 760 எல்ஐ எம்-ஸ்போர்ட் (BMW 760 Li M-Sport) கார்தான் தனது முதல் தேர்வாக இருக்கும் என சச்சின் கூறினார்.
அதே சமயம் லாங் டிரிப் அடிக்க வேண்டுமென்றால், பிஎம்டபிள்யூ எக்ஸ்5எம் (BMW X5M) காரைதான் எடுப்பேன் எனவும் சச்சின் தெரிவித்தார். இவை தவிர பிஎம்டபிள்யூ ஐ8 (BMW i8) காரிலும் அடிக்கடி பயணம் செய்வேன் என்றும் சச்சின் கூறினார்.
சச்சின் டெண்டுல்கரின் சொந்த ஊர் மும்பை. எனவே மும்பை சாலைகளில், மேற்கண்ட கார்களில் சச்சின் வலம் வருவதை அடிக்கடி பார்க்க முடியும். குறிப்பாக ஞாயிற்றுகிழமைகளில் பிஎம்டபிள்யூ ஐ8 காரில் சச்சின் அடிக்கடி உலா வருவார்.
ஜெர்மனியை சேர்ந்த உலகின் முன்னணி கார் பந்தய வீரரான மைக்கேல் சூமாக்கரும் (Micheal Schumacher), சச்சின் டெண்டுல்கரும் நெருங்கிய நண்பர்கள் என்பது குறிப்பிடத்தக்கது.
-
இப்படி ஒரு அப்பா கிடைப்பது வரம்! மகன் ஆசையை நிறைவேற்ற ரூ92 லட்சம் மதிப்பிலான பிஎம்டபிள்யூ காரை பரிசளித்த தந்தை
-
அகமதாபாத் வேற லெவலில் மாற போகுது!! புல்லட் இரயிலில் இருந்து எல்லாமே வருது... ஓப்பனாக பேசிய மத்திய அமைச்சர்!
-
எல்லாரும் ராயல் என்ஃபீல்டை தேடி ஓடி வருவதற்கு காரணம் என்னவா இருக்கும்? கவாஸாகி ரொம்ப போராடுது!!