Just In
- 2 min ago இந்த 3 கார்களை தான் மக்கள் மாத்தி, மாத்தி வாங்குறாங்க!! டாடா லிஸ்ட்டிலேயே இல்ல...
- 43 min ago ரூ1.5 லட்சம் தள்ளுபடி விலையில் குடும்பத்துடன் பயணிக்கும் எக்ஸ்யூவி 700 காரை வாங்கலாம்! வெயிட்டிங் டைமும் கம்மி
- 3 hrs ago ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
- 4 hrs ago தேர்தல் முடிந்ததும் முதல் வேலையா டோல்கேட்ல இருந்து இதை தூக்கி வீசுங்க!அடுத்த அதிரடிக்கு தயாரான அரசு
Don't Miss!
- Finance தங்கம் விலை சரிவு.. இஸ்ரேல் முடிவால் அமெரிக்கா ஷாக்.. தங்கத்தை இப்போ வாங்கலாமா..?
- Technology Vodafone-க்கு கும்பிடு.. மொத்தமா முடிச்சு விட்டாச்சு.. ஒரே திட்டம்தான்.. டேட்டா, கால்களுக்கு லிமிட் இல்ல!
- Lifestyle காமதா ஏகாதசி 2024 எப்போது? தேதி, நேரம், பூஜை குறித்த தகவல்கள்...
- News தமிழ்நாட்டில் நாளை வாக்குப் பதிவு... இப்படியும் 20 கட்சிகள் களத்தில் இருப்பது தெரியுமா?
- Movies அடேங்கப்பா.. ஷங்கர் மகள் திருமணத்தில் அஜித் மகள் எப்படி அழகா இருக்காரு பாருங்க.. செம பிக்ஸ்!
- Sports T20 WC 2024: நானும், கோலியும் தொடக்க வீரர்களா? யாரு இப்படி சொல்றாங்க.. ரோகித் சர்மா ஓபன் டாக்!
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
பதினாறு வயதில் உலகையே திரும்பி பார்க்க வைத்த சிறுமி... என்ன செய்தார்? வீடியோ..!
பதினாறே வயதுடைய சிறுமி ஒருவர் ஒட்டுமொத்த வாகன பந்தய வீரர்களை மெர்சலாக்குகின்ற வகையில் புதிய கின்னஸ் சாதனைப் படைத்துள்ளார். அதுகுறித்த கூடுதல் தகவலைத் தொடர்ந்து பார்க்கலாம்.
வட அமெரிக்காவைச் சேர்ந்தவர் சோலே சேம்பர்ஸ். இவருக்கு வயது பதினாறு. இவர்தான் புதிய கின்னஸ் சாதனைப் படைத்து புகழ்வாய்ந்தவராக மாறியிருக்கின்றார். இவர், வட அமெரிக்காவின் போர்ஷே நிறுவனத்துடன் இணைந்து அதி-வேகமாக காரை இயக்கி சாதனைப் புரிந்திருக்கின்றார்.
"வேகமான வாகன ஸ்லாலோம்" என்ற புதிய கின்னஸ் சாதனையை அவர் படைத்துள்ளார். வெறும் பதினாறே வயதுடைய சிறுமி இத்தகையச் சாதனையைப் புரிவது இதுவே முதல் முறையாகும். எனவேதான் சோலே சேம்பர்ஸ் தற்போது பேசப்படும் ஓர் சிறுமியாக மாறியிருக்கின்றார்.
சிறுமியின் சாகசத்தால் போர்ஷே 718 ஸ்பைடர் கார் உலகின் மிக வேகமான செயல்திறன் மெட்ரிக்கைக் கொண்ட கார் என்பது கண்டறியப்பட்டுள்ளது.
நியூயார்க் நகரத்தில் உள்ள ஹட்சன் வாலி எனும் பகுதியில் வசித்து வரும் சோலே சேம்பர்ஸ், தனது சிறு வயது முதலில் இருந்தே வாகனங்களை இயக்கி வருகின்றார்.
இவர், கார்ட் ரக வாகனங்களை இயக்குவதில் கை தேர்ந்தவர் ஆவார். தனது 8 வயது முதலே இந்த வாகனங்களை அவர் இயக்கி வருகின்றார். அவ்வாறு, பல பந்தயங்களில் கலந்துக் கொண்டு அவர் புதிய சாதனை மற்றும் சாம்பியன் பட்டங்களை வென்றிருக்கின்றார் என்பது குறிப்பிடத்தகுந்தது.
இந்த நிலையிலேயே போர்ஷே நிறுவனத்தின் 718 ஸ்பைடர் மாடல் காரை இயக்கி புதிய கின்னஸ் சாதனையையும் அவர் படைத்துள்ளார். கடந்த ஆகஸ்டு மாதம் 21ம் தேதி அன்றே இந்த புதிய சாதனைக்கான முயற்சி மேற்கொள்ளப்பட்டது. 51 கோன்களைச் சாலையில் நிறுத்தி வைத்து, அதில் அதிவேகமாக காரை இயக்கியே சோலே சேம்பர்ஸ் சாதனைப் படைத்திருக்கின்றார்.
அதாவது, 51 எண்ணிக்கையிலான கூம்புகள் ஒவ்வொரு 15 மீட்டர் (50 அடி) இடைவெளிக்கும் ஒன்று என்ற எண்ணிக்கையில் நிறுத்தப்பட்டு, அதில், போர்ஷே 718 ஸ்பைடர் கார் அதி வேகமாக வளைந்து, நெளிந்து இயக்கப்பட்டுள்ளது. இந்த ஒட்டுமொத்த பாதையையுமே சூப்பர் ஃபாஸ்ட் வேகம் மட்டுமின்றி வெறும் 47.45 செகண்டுகளில் அவர் கடந்துள்ளார்.
இதற்கு முன்பு இதே போன்றதொரு சாதனையை சீனாவைச் சேர்ந்த கார் ஓட்டுநர் ஒருவர் செவி காமரோ காரில் 2018ம் ஆண்டு செய்திருந்தார். இந்த சாதனையைக் காட்டிலும் அரை செகண்டுகள் முன்னணியில் தற்போதைய சாதனை உள்ளது. முந்தைய சாதனையில் சில குறைபாடுகள் இருப்பது குறிப்பிடத்தகுந்தது.
வெறும் 20 கோன்கள் மட்டுமே நிறுத்தப்பட்ட சாலையில் அவர் சாதனைச் செய்திருந்தார். இவர் கடந்தது வெண்டுமானாலும் 20 கோன்களாக இருக்கலாம், ஆனால், அது ஒரு கைவிடப்பட்ட சாலையாகும். அந்த சாலை புழுதி படிந்த கற்கள் மற்றும் பள்ளங்கள் நிறைந்த சாலையாகும். இம்மாதிரியான கரடு முரடான சாலையிலேயே சீனா வீரர் சாதனைப் படைத்திருந்தார்.
51 கோன்கள் சாதனைக்காக போர்ஷே காரில் எந்த மாற்றமும் செய்யப்படவில்லை என்பது குறிப்பிடத்தகுந்தது. குறிப்பாக, அதன் டயர் பிற 718 ஸ்பைடர் காரில் இருப்பது போன்றே காட்சியளிக்கின்றது. சிறுமியின் இந்த சாதனை சிலருக்கு மிகவும் வழக்கமான ஒன்றாக காட்சியளிக்கலாம். ஆனால், அப்படி இல்லை.
அதிக வேகமாக வரும் கார் ஒரு கோன்களில்கூட இடிக்காமல் வலது, இடது என கடப்பது மிகவும் கடினமான ஒன்றாகும். இது சில நேரங்களில் எதிர்பாராத விபத்தைக்கூட ஏற்படுத்திவிடும். பொதுவாக, புதிதாக விற்பனைக்கு வரும் கார்களை சில தயாரிப்பு நிறுவனங்கள் இதுபோன்ற பல பரீட்டைக்கு பின்னரே பொது பயன்பாட்டிற்குக் கொண்டு வரும்.
இது வாகனத்தின் கன்ட்ரோல் மற்றும் அதிக திறனை வெளிப்படுத்தக்கூடிய ஓர் பரீட்சையாகும். சோலே சேம்பர்ஸ் இயக்கியது 2020 போர்ஷே 718 ஸ்பைடர் ஆகும். இதில், கேமேன் ஜிடி4 காருக்கு இணையான திறன் கொண்ட எஞ்ஜின் பயன்படுத்தப்பட்டுள்ளது. இது மிக அதிக திறன் கொண்டதாகும்.
இக்காரில், 4.0 லிட்டர் நேட்சுரல்லி அஸ்பயர்ட் பாக்ஸர் சிக்ஸ் சிலிண்டர் எஞ்ஜின் பயன்படுத்தப்பட்டுள்ளது. இது அதிகபட்சமாக 414 எச்பி பவரை 8,000 ஆர்பிஎம்மில் வெளிப்படுத்தும் திறனைக் கொண்டிருக்கின்றது. இது, 6 ஸ்பீடு மேனுவல் டிரான்ஸ்மிஷனில் இங்கும் எஞ்ஜின் ஆகும். மேலும், இது ஓர் பின் வீல் இயக்கம் கொண்ட காராகும்.